آصف زرداری صاحب نے مجھے بیٹی کی شادی میں بلایا ہی نہیں، فضل الرحمٰن

سابق صدر آصف علی زرداری نے اپوزیشن اتحاد (پی ڈی ایم) کے سربراہ مولانا فضل الرحمٰن کو اپنی بیٹی بختاور بھٹو زرداری کی شادی میں مدعو نہیں کیا۔

اسلام آباد میں جیو نیوز نے مولانا فضل الرحمٰن سے استفسار کیا کہ ’مولانا آپ شادی میں شرکت کے لیے کراچی کب جارہے ہیں؟

اس سوال پر پی ڈی ایم سربراہ نے حیرت کا اظہار کرتے ہوئے جوابی سوال داغ دیا اور کہا کونسی شادی؟

مولانا فضل الرحمٰن نے وضاحت دیتے ہوئے کہاکہ آصف زرداری صاحب نے مجھے بیٹی کی شادی میں بلایا ہی نہیں۔

ان سے پوچھا گیا کہ سنا ہے بختاور بھٹو کی شادی میں بڑے بڑے لوگ شرکت کررہے ہیں؟

مولانا فضل الرحمٰن نے جواب دیا کہ مجھے بڑے بڑوں کا تو نہیں معلوم، البتہ میں وہاں مدعو نہیں ہوں۔

اس سے قبل پی ڈی ایم سربراہ نے اظہار خیال کرتے ہوئے کہا کہ اپوزیشن سے اگر کوئی بات کرنا چاہتا ہے تو وہ ہمارے مطالبات پورے کرکے آئے۔

ڈورن حملے میں مارے گئے ملا اختر منصور کے بینک اکاونٹس کی تفصیل سامنے آگئی

امریکی ڈورن حملے میں مارے گئے افغان طالبان کے سابق سربراہ ملااختر منصور کے دو بینکوں کے اکاونٹس میں موجود رقم کی تفصیلات سامنے آگئی۔

ایف 9 پارک گروی کیوں رکھا جائے؟ ایوان صدر کیوں نہیں؟ وزراء کے دلچسپ مشورے

وفاقی کابینہ اجلاس میں ایف9 پارک گروی رکھنے کی تجویز پر وزراء کے دلچسپ مشورے سامنے آگئے۔

انہوں نے کہاکہ عدم اعتماد کا آپشن موجود ہے لیکن مجھے اس پر عمل ہوتا نظر نہیں آرہا ہے۔

مولانا فضل الرحمٰن نے مزید کہاکہ آج ہم نے پیپلز پارٹی کو کہا ہے کہ وہ تحریک عدم اعتماد کی حکمت عملی پر دیگر جماعتوں کو اعتماد میں لے۔

اُن کا کہنا تھاکہ سینیٹ الیکشن مشترکا طور پر لڑنے کی تجویز زیرغور ہے، پی ڈی ایم میں سب کا اپنا موقف ہے، فیصلے مشترکا اور متفقہ ہوتے ہیں۔

پی ڈی ایم سربراہ نے کہاکہ نوازشریف اور آصف زرداری کا طریقہ کارمختلف ہوسکتا ہے لیکن مقصد ایک ہے، حکومت ہو یا اسٹیبلشمنٹ پی ڈی ایم کسی سے مذاکرات نہیں کر رہی۔