• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

7لاکھ بھارتی فوج کے سامنے نہتے کشمیری سیسہ پلائی دیوار ہیں، فیصل راٹھور

میرا شہر
اسلام آباد
27 جنوری ، 2021
اسلام آباد(خصوصی نامہ نگار) پاکستان پیپلز پارٹی آزادکشمیرکے زیر اہتمام بھارتی یوم جمہوریہ کو یوم سیاہ کے طور منانے کے سلسلے میں منگل کو نیشنل پریس کلب میں سیمینار ہوا ۔ سیمینار سے خطاب کرتے ہوئے پاکستان پیپلز پارٹی آزاد کشمیر کے جنرل سیکرٹری فیصل راٹھور نے کہا ہندوستان کی سات لاکھ فوج کے سامنے نہتے کشمیری سیسہ پلائی دیوار بنے ہوئے ہیں۔ پاکستانیوں نے ہاتھوں میں اتنے جھنڈے نہیں اٹھائے ہوں گے جتنے جھنڈوں میں کشمیری دفن ہوئے ہیں۔ برہان وانی کی شہادت پر دنیا کو ہندوستان کا دوسرا چہرہ نظر آیا ۔ہم بائی چوائس پاکستانی ہیں بائی برتھ پاکستانی نہیں ۔ ہم آج بھی پاکستان کیلئے جان دینے کو تیار ہیں۔ پاکستان کا سب سے بڑا مسئلہ توانائی بحران ہے ، مگر ہم کالا باغ ڈیم کو سب سے بڑا مسئلہ سمجھتے ہیں ۔عظمٰی ناصر ،ماہ نور،ثمر عباس اورخولہ خان نے بھی خطاب کیا۔ سید سبط الحسن بخاری نے کہاکہ شہید ذوالفقار علی بھٹو نے اس ایجنڈے کو پھاڑ دیا جس میں کشمیر کاز شامل نہیں تھا۔ خاموشی سے حقوق اور آزادی ملتی ہو تو جنگیں کیوں ہوتیں ۔کشمیر کی آزادی کے لئے متحد ہونا پڑے گا ۔
تازہ ترین