شان شاہد کی اپنی مرحومہ والدہ کیلئے دُعاؤں کی اپیل

پاکستان فلم انڈسٹری کی معروف اداکارہ نیلو بیگم کے بیٹے اداکار شان شاہد نے اپنی مرحومہ والدہ کے لیے دُعاؤں کی اپیل کردی۔

مائیکرو بلاگنگ سائٹ ٹوئٹر پر جاری کیے گئے پیغام میں شان شاہد نے کہا کہ ’میں اُن تمام لوگوں کا شکریہ ادا کرنا چاہتا ہوں جنہوں نے میری مشکل گھڑی میں میرا ساتھ دیا۔‘

شان شاہد نے اپنے مداحوں سے درخواست کرتے ہوئے کہا کہ ’براہِ کرم میری مرحومہ والدہ کے لیے دُعا کریں۔‘

اداکار نے مزید کہا کہ ’میری دُعا ہے اللّہ تعالیٰ آپ کو اور آپ کے پیاروں کو ہمیشہ سلامت رکھے۔‘

والدہ کے بغیر دُنیا بےمعنی لگ رہی ہے: شان شاہد

پاکستان فلم انڈسٹری کے معروف اداکار اور ماضی کی معروف اداکارہ نیلو بیگم کے بیٹے شان شاہد نے سوشل میڈیا پر اپنی مرحومہ والدہ کے لیے جذباتی پیغام جاری کیا ہے۔

واضح رہے کہ 80 سالہ نیلو بیگم تین روز قبل لاہور میں انتقال کرگئی تھیں، اداکارہ نیلو بیگم فلم ڈائریکٹر مرحوم ریاض شاہد کی اہلیہ اور اداکار شان کی والدہ تھیں جبکہ ان کا اصل نام عابدہ ریاض تھا۔

میں نیلو جی کے نقشِ قدم پر چلتی ہوں: مہوش حیات

تمغۂ امتیاز حاصل کرنے والی اداکارہ مہوش حیات نے ماضی کی معروف اداکارہ اور شان شاہد کی والدہ نیلو بیگم کے انتقال پر اظہارِ تعزیت کیا ہے۔

وہ کافی عرصے سے کینسر کے مرض میں مبتلا تھیں۔ اداکارہ نیلو 1940 میں بھیرہ میں پیدا ہوئیں، 1956میں فلم ’بھوانی جنکشن‘ میں بطور چائلڈ اسٹار کام کیا۔

انہوں نے کئی یاد گار فلموں میں فنِ اداکاری کے جوہر دکھائے، جن میں دوشیزہ، عذرا، زرقا، بنجارن، بیٹی، ڈاچی، جی دار، ناگن اور شیر دی بچی شامل ہیں۔

ماضی کی معروف اداکارہ نیلو بیگم سُپردِ خاک

ماضی کی معروف اداکارہ اور اداکار شان شاہد کی والدہ نیلو بیگم کی نماز جنازہ ادا کردی گئی۔

فلم ’سات لاکھ کا گانا‘ آئے موسم رنگیلے نیلو کی پہچان بنا۔

 نیلو بیگم کی نمازِ جنازہ لاہور میں ادا کی گئی تھی، نمازجنازہ میں فلمی و سماجی شخصیات کی کثیر تعداد نے شرکت کی اور مرحومہ کی مغفرت کے لیے دُعا کی۔