فرمان الہی
نماز کے اوقات
پاکستان پیپلز پارٹی پارلیمنٹیرینز (پی پی پی پی) کی سیکریٹری اطلاعات شازیہ مری نے کہا ہے کہ ملک سے لوٹی ہوئی دولت علیمہ خان کی سلائی مشین سے نکلی۔
اپنے ایک بیان میں شازیہ مری کا کہنا تھا کہ براڈ شیٹ اسکینڈل سامنے آنے کے بعد لوٹی ہوئی دولت کا ڈھول پھٹ چکا ہے۔
انھوں نے کہا کہ ادویات، چینی، گندم اور ایل این جی اسکینڈل عمران نیازی کے تاج پر سجے تمغے ہیں۔
پیپلز پارٹی کی رہنما کا کہنا تھا کہ چاہتے تھے عمران نیازی اپنی نااہلی کا اقرار کرکے مستعفی ہوں۔
اپوزیشن کے اسلام آباد میں احتجاج پر شازیہ مری نے کہا کہ ڈی چوک ہر روز ’گو عمران گو‘، ’گو سلیکٹڈ گو‘ کے نعروں سے گونج رہا ہے۔
انھوں نے یہ بھی کہا کہ پی ڈی ایم نے نیازیہ سلطنت کی بنیادیں ہلا دی ہیں۔
