فرمان الہی
نماز کے اوقات
سابق وزیراعظم نواز شریف کی صاحبزادی مریم نواز نے کہا ہے کہ برطانوی جج کیسے ہیں؟ لگتا ہے وہ نہ گاڈ فادر فلم دیکھتے ہیں، نہ ہی ناول پڑھتے ہیں اور نہ ہی واٹس ایپ استعمال کرتے ہیں۔
شہباز شریف سے متعلق لندن کی عدالت کا فیصلہ آنے کے بعد تبصرہ کرتے ہوئے مریم نواز نے کہا کہ یہ کیسا احتساب تھا اور کیوں شروع ہوا؟ یہ تو بہت پہلے ہی دنیا پر دنیا پر عیاں ہوچکا تھا۔
انہوں نے کہا کہ اللّٰہ ناانصافی کو پسند نہیں فرماتا، احتساب کا ڈرامہ رچانے والوں کا محاسبہ تو ابھی شروع ہوا ہے۔
ن لیگ کی نائب صدر نے مزید کہا کہ احتساب احتساب کی رٹ لگانےوالوں کا اپنا یوم احتساب قریب ہے۔
مریم نواز نے کہا کہ نواز شریف اور شہباز شریف نے ایمانداری اور دیانت داری سے ملک و قوم کی خدمت کی، سابق وزیراعظم اور وزیراعلیٰ پنجاب کو سیاسی میدان سے باہر رکھنے والوں کو ہر روز دھول چاٹنا پڑرہی ہے۔
