فرمان الہی
نماز کے اوقات
بالی وڈ اداکارہ اور سیاستدان ارمیلا ماٹونڈکر نے کہا ہے کہ میں عمر کو پیروں کے نیچے رکھتی ہوں، کچھ لوگ مجھے آنٹی کہہ کر ٹرول کرنے کی کوشش کرتے ہیں لیکن میں ان سب کو ہاتھ جوڑ کر یہ سمجھانا چاہتی ہوں کہ اگر آپ مجھے اس حوالے سے برا محسوس کروانا چاہتے ہیں تو میں ایسا محسوس نہیں کرتی۔
بھارتی میڈیا رپورٹس کے مطابق اداکارہ ارمیلا نے اپنی سالگرہ کے موقع پر کہا کہ ہر وہ سال جو آپ کی زندگی میں شامل ہوتا ہے وہ زندگی کو مزید شاندار بناتا ہے۔ زندگی میں جو کچھ اس وقت میرے سامنے ہے، میں اس سے زیادہ سے زیادہ فائدہ اٹھانے میں مصروف ہوں۔
واضح رہے کہ ارمیلا ماٹونڈکر نے رواں ماہ 47ویں سالگرہ منائی ہے اور وہ بڑھتی عمر سے بالکل بھی پریشان یا فکرمند نظر نہیں آتیں۔
