اسلام آباد: تنخواہ میں اضافے کیلئے عدالتی ملازمین کا بھی احتجاج

وفاقی دارالحکومت اسلام آباد میں سیکریٹریٹ کے سرکاری ملازمین کے بعد جوڈیشل کمپلیکس اسلام آباد کے عدالتی ملازمین نے بھی تنخواہوں میں اضافے کے لیے کمپلیکس کے باہر آج احتجاج کیا۔

جوڈیشل کمپلیکس میں قائم خصوصی عدالتوں کے ملازمین بھی آج سراپا احتجاج بن گئے۔

اسلام آباد کی احتساب عدالت کے ملازمین نے اپنی تنخواہوں میں اضافے کے لیے احتجاج کرتے ہوئے مطالبہ کیا کہ ہماری تنخواہوں کو دیگر عدالتوں کے برابر کیا جائے۔

عدالتی ملازمین نے یہ مطالبہ بھی کیا کہ ہماری تنخواہوں میں مہنگائی کے تناسب سے اضافہ کیا جائے۔