کیفینیٹڈ کافی کا استعمال ہارٹ فیل کے خطرات کو کم کرتا ہے، تحقیق

11 فروری ، 2021

امریکی ماہرین صحت کا کہنا ہے کہ کافی کا استعمال ہارٹ فیل ہونے کے خطرات کو کم کرتا ہے۔

اس حوالے سے امریکن ہارٹ ایسوسی ایشن کی ایک تحقیق سامنے آئی ہے جس میں کیفینیٹڈ کافی کے شوقین افراد کے لیے اچھی خبر یہ ہے کہ ایک یا اس سے زائد کپ کافی پینے سے ہارٹ فیل کے خطرات کم ہوسکتے ہیں۔

تاہم اس تحقیق میں یہ بات بھی سامنے آئی کہ ڈی کیفینیٹڈ کافی سے یہ فوائد حاصل نہیں کیے جاسکتے، اور اس سے ہارٹ فیل ہونے کے خطرات بڑھتے ہیں۔

اس تحقیق میں کافی کے استعمال کو بڑھانے سے امراض قلب میں کمی کے کوئی واضح شواہد تو سامنے نہیں آئے جیسے کہ تمباکو نوشی ترک کرنے، وزن کم کرنے اور ورزش کرنے سے یقینی طور پر اس مرض کے امکانات کم ہوجاتے ہیں۔

اس تحقیق کے سینیئر ماہر اور یونیورسٹی آف کولو راڈو کے سینٹر فار پرسنلائزڈ میڈیسن کے اسکول آف میڈیسن آرورا کے اسسٹنٹ پروفیسر آف کارڈیالوجی اور ڈائریکٹر ڈاکٹر ڈیوڈ پی کائو کا کہنا ہے کہ امریکا میں جن امراض سے سب سے زیادہ اموات ہوتی ہیں ان میں دل کی بیماری شامل ہے اور دل کی بیماریوں میں شریانوں کے بلاک ہونے، ہارٹ فیل اور اسٹروک سے بہت زیادہ اموات ہوتی ہیں۔

یہ بھی پڑھیے

انکا مزید کہنا ہے کہ اس حوالے سے سگریٹ نوشی، عمر اور ہائی بلڈ پریشر اس بیماری کے اہم رسک فیکٹرز میں شامل ہیں۔

تازہ ترین