یہ کوئی نئی ویڈیوز نہیں، پہلے بھی آتی رہی ہیں: فیصل جاوید

12 فروری ، 2021

پاکستان تحریکِ انصاف (پی ٹی آئی) کے رہنما و سینیٹر فیصل جاوید خان کہتے ہیں کہ پہلے بھی ویڈیوز آتی رہی ہیں، یہ کوئی نئی ویڈیوز نہیں۔

2018ء کے سینیٹ کے انتخابات میں مبینہ طور پر ووٹ فروخت کرنے والے خیبر پختون خوا اسمبلی کے اراکین کی ویڈیو منظر عام پر آنے کے معاملے پر پاکستان تحریکِ انصاف (پی ٹی آئی) کے رہنما و سینیٹر فیصل جاوید خان ’جیو نیوز‘ کے مارننگ شو ’جیو پاکستان‘ میں اظہارِ خیال کر رہے تھے۔

انہوں نے کہا کہ گزشتہ سینیٹ کے انتخابات میں ہمارے 20 ارکان بکے جنہیں فارغ کیا گیا تھا۔

یہ بھی پڑھیے

پاکستان تحریکِ انصاف کے سینیٹر کا مزید کہنا ہے کہ ویڈیو کی انکوائری کرائی جائے گی، جلد حقائق سامنے آئیں گے۔

فیصل جاوید خان کا یہ بھی کہنا ہے کہ سینیٹ الیکشن میں ہمیشہ سے ہارس ٹریڈنگ ہوتی ہے، اس لیے چاہتے ہیں کہ کرپشن کا خاتمہ ہو، سیکریٹ بیلٹنگ میں ہمیشہ سے ووٹ بکتا رہا ہے۔

تازہ ترین