انسانی حقوق کمیشن کی شمالی وزیرستان میں سماجی کارکن خواتین کے قتل کی مذمت

انسانی حقوق کمیشن نے شمالی وزیرستان میں  سماجی کارکن خواتین کے قتل کی شدید مذمت کی ہے۔

ایچ آر سی پی نے مطالبہ کیا کہ ریاست گھناؤنےجرم کے ذمہ داروں کو انصاف کے کٹہرے میں لازمی لائے۔

اُنہوں نے کہا کہ علاقے میں دہشتگرد گروپوں کا دوبارہ سر اٹھانا سنگین تشویش کا باعث ہے، شہریوں کے جان مال کی ہر قیمت پر حفاظت حکام کی ذمہ داری ہے۔

شمالی وزیرستان: گاڑی پر فائرنگ، 4 خواتین جاں بحق

شمالی وزیرستان کے علاقے میر علی میں گاڑی پر فائرنگ سے 4 خواتین جاں بحق ہوگئیں۔

ایچ آر سی پی کا مزید کہنا تھا کہ ہم مقتول خواتین کے غمزدہ خاندانوں ساتھیوں کے غم میں شریک ہیں۔

واضح رہے کہ شمالی وزیرستان میں دہشت گردوں کے حملہ میں غیر سرکاری تنظیم کی 4 خواتین سماجی کارکن جاں بحق ہوگئیں جبکہ ڈرائیور زخمی ہوگیا۔

آئی جی پی KPK نے شمالی وزیرستان فائرنگ واقعے کا نوٹس لے لیا

آئی جی پی خیبرپختونخوا ثناء اللّہ عباسی نے شمالی وزیرستان میں سماجی کارکن خواتین کی گاڑی پر فائرنگ واقعے کا نوٹس لے لیا۔

دہشت گردی کے واقعہ میں ایک خاتون خوش قسمتی سے بچ گئی۔

مقامی پولیس کے مطابق فائرنگ ایپی گاؤں کے قریب این جی او کی گاڑی پر کی گئی۔