آپ آف لائن ہیں
جمعہ13؍ رجب المرجب 1442ھ 26؍فروری2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ملکہ اور کیٹ مڈلٹن بھی میگھن کے نقش قدم پر چل پڑیں

برطانوی شاہی خاندان کی شہزادی کیتھرین مڈلٹن اور ملکہ الزبتھ دوم کی جانب سے ایک اسپیشل ٹی وی شو ریکارڈ کروانے کا منصوبہ ٹھیک اُسی دن بنایا گیا ہے جس دن میگھن مارکل کا اوپرا انٹرویو نشر کیا جائے گا۔

غیر ملکی میڈیا رپورٹس کے مطابق شہزادی کیٹ مڈلٹن کی جانب سے صحت کے عالمی دن  کی مناسبت سے ایک پروگرام ریکارڈ کروایا جائے گا جسے برطانوی نشریاتی ادارے پر نشر کیا جائے گا جبکہ دوسری جانب اسی دن میگھن مارکل کا انٹرویو معروف میزبان اوپرا ونفرے کے ساتھ نشر کیے جانے کا اعلان پہلے ہی کیا جا چکا ہے۔

ملکہ الزبتھ اور کیٹ کا یہ خصوصی پروگرام مارچ کے مہینے کی 7 تاریخ کو نشر کیا جائے گا۔

شاہی خادان کی جانب سے جاری کیے گئے اعلامیے کے مطابق اس خصوصی شو میں پرنس چارلس، کمیلا، دی ڈیوک اینڈ ڈچز آف کیمبرج اور صوفیا ویکسس بھی شرکت کریں گی۔

میڈیا رپورٹس کے مطابق میگھن مارکل کی جانب سے اوپرا ونفرے کو دیئے گئے انٹرویو کی ریکارڈنگ مکمل ہو گئی ہے تاہم ملکہ اور کیٹ کے خصوصی شو کے اعلان کے بعد ریکارڈنگ میں مزید ایڈیٹنگ عمل میں لائی جارہی ہے۔

 کہا جا رہا ہے کہ مگھن اس انٹرویو کے دوران شاہی خاندان سے علیحدگی سے متعلق تفصیل سے بات کریں گی۔

واضح رہے کہ گزشتہ سال مارچ میں شاہی خاندان کی جانب سے صحت کے عالمی دن سے متعلق ایک تقریب میں  شرکت کی گئی تھی اور اہم پیغامات دیئے گئے تھے جس میں میگھن اور ہیری بھی شریک ہوئے تھے۔

اس سال یہ پروگرام عالمی وبا کورونا وائرس کے سبب منسوخ کر دیا گیا ہے اور شاہی خاندان کی جانب سے صحت سے متعلق پیغامات ٹی وی شو کے ذریعے عوام سے شیئر کیے جائیں گے۔

بین الاقوامی خبریں سے مزید