پیسے کے بل بوتے سینیٹ الیکشن چرانے والے ناکام ہونگے، فردوس عاشق

معاون خصوصی وزیراعلیٰ پنجاب ڈاکٹر فردوس عاشق اعوان کا سینیٹ الیکشن سے متعلق کہنا ہے کہ پیسے کے بل بوتے پرسینیٹ الیکشن چرانے والے ناکام و نامراد ہوں گے۔

ڈاکٹر فردوس عاشق نے اپنے ایک بیان میں کہا ہے کہ وزیراعظم عمران خان  سینیٹ انتخابات کےشفاف انعقاد کو یقینی بنانا چاہتے ہیں،  وزیراعظم عمران خان کا شفاف الیکشن کا اقدام اپوزیشن کو ہضم نہیں ہو رہا۔

تحریری رائے میں خفیہ بیلٹنگ 1967ء کے فیصلے کا حوالہ

پاکستان سپریم کورٹ کی جانب سے سینیٹ الیکیشن سے متعلق جاری کی گئی تحریری رائے میں خفیہ بیلٹنگ 1967ء کے فیصلے کا حوالہ دیا گیا ہے ۔

فردوس عاشق اعوان نے کہا ہے کہ اپوزیشن پیسے کی چمک سے اکثریت بناکر ایوان کو ہائی جیک کرنا چاہتی ہے، ایوان کو پیسے کے زور پر ہائی جیک کرنا اپوزیشن کی خام خیالی ہے۔

انہوں نے مزید کہا کہ کرپشن کی روک تھام اور قومی مفاد کی قانون سازی کو رکوانا اپوزیشن کا مقصد ہے۔

سینیٹ انتخابات آئین کے تحت ہونگے، سپریم کورٹ نے رائے دے دی

سپریم کورٹ سینیٹ الیکشن اوپن بیلٹ یا خفیہ بیلٹ کے ذریعے کرانے سے متعلق صدارتی ریفرنس پر اپنی رائے جاری کرتے ہوئے کہا ہے کہ سینیٹ انتخابات آئین کے تحت ہونگے۔

فردوس عاشق کا کہنا تھا کہ سپریم کورٹ کی رائے کے بعد انتخابات کی شفافیت یقینی بنانا الیکشن کمیشن کی ذمہ داری ہے۔