• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

رنگ روڈ منصوبہ کیلئے ٹینڈر جاری ، بڈنگز کمیٹی کا اعلان جلد متوقع

میرا شہر
اسلام آباد
02 مارچ ، 2021
راولپنڈی(اپنے رپورٹر سے) راولپنڈی رنگ روڈ منصوبہ کیلئے ٹینڈر جاری ہوگیا ۔ پرائیویٹ پبلک شراکت داری کے تحت تعمیر میں دلچسپی لینے والی کمپنیاں اپنی پیشکشیں 12اپریل تک جمع کرا سکتی ہیں ۔ بڈنگز کمیٹی کا بھی جلد اعلان ہوگا۔ان خیالات کا اظہارکمشنر راولپنڈی ڈویژن و پراجیکٹ ڈائریکٹر کیپٹن ریٹائرڈ محمد محمود نےکمشنر آفس میں رنگ روڈ منصوبہ جائزہ اجلاس کی صدارت کرتے ہوئے کیا۔ اجلاس میں رنگ روڈ منصوبہ کے بڈنگ کے عمل اور دیگر متعلقہ امور کا جائزہ لیا گیا۔کمشنر نےکہا کہ راولپنڈی رنگ روڈ کا فتح جنگ، ضلع اٹک اور ٹیکسلا میں آنیوالے 31کلومیٹر طویل ٹریک کا تین ارب روپے مالیت سے زائدکا لینڈ ایکوزیشن ایواڈ کا اعلان بھی رواں ہفتہ میں کیا جا ئیگا ۔
تازہ ترین