آپ آف لائن ہیں
منگل29؍شعبان المعظم 1442ھ 13؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

دنیا کے سب سے بڑے گال والی ماڈل کون ہے؟

دُنیا کے سب سے بڑے گال والی 32 سالہ ماڈل انستاسیہ کی وائرل تصویریں عالمی سطح پر خبروں کی زینت بن گئیں۔

بین الاقوامی میڈیا رپورٹس کے مطابق یوکرین سے تعلق رکھنے والی 32 سالہ ماڈل انستاسیہ کو یہ اعزاز حاصل ہے کہ وہ دُنیا کی سب سے بڑے گال والی ماڈل ہیں۔

32 سالہ ماڈل انستاسیہ نے گزشتہ 6 برسوں میں متعدد سرجریاں کروا کر اپنی قُدرتی شکل کو اس قدر تبدیل کرلیا ہے کہ اُن کی پُرانی اور حالیہ تصویروں میں اُن کو پہچاننا مشکل ہوگیا ہے۔

انستاسیہ نے خود کو منفرد دکھانے کے لیے اپنے گالوں اور ہونٹوں کی کئی سرجیاں کروائی ہیں جس کے ذریعے اُن کے گال اور ہونٹ بڑے ہوگئے ہیں۔

اس حوالے سے جب بین الاقوامی میڈیا نے انستاسیہ سے گفگتو کی تو اُن کا کہنا تھا کہ اُنہیں تو یاد بھی نہیں کہ وہ اب تک کتنے کاسمیٹک پروسیجرز کروا چُکی ہیں۔

دوسری جانب انستاسیہ نے حال ہی میں اپنے انسٹاگرام اکاؤنٹ پر ایک فوٹو کولاج شیئر کیا۔


یہ فوٹو کولاج دو تصاویر کو ملا کر بنایا گیا ہے جس میں پہلی تصویر انستاسیہ کی سرجریوں سے پہلے کی ہے جس میں اُن کی عُمر 26 سال ہے جبکہ دوسری تصویر گال اور ہونٹوں کی سرجریوں کے بعد کی ہے اور اس تصویر میں اُن کی عُمر 32 سال ہے۔

انستاسیہ نے اپنی پوسٹ کے کیپشن میں مداحوں سے اُن کی رائے دریافت کرتے ہوئے لکھا کہ ’آپ کو کونسی انستاسیہ پسند ہے، 26 یا 32 سال والی؟‘

ماڈل کی پوسٹ پر زیادہ تر مداحوں نے 26 سال والی انستاسیہ کا انتخاب کیا کیونکہ وہ 26 سال کی عُمر میں ایک خوبصورت لڑکی تھیں۔

سوشل میڈیا پر انستاسیہ کو جہاں ہزاروں کی تعداد میں صارفین نے فالو کیا ہوا ہے تو وہیں متعدد صارفین انہیں اُن کی سرجریوں کی وجہ سے کافی تنقید کا نشانہ بھی بناتے ہیں۔

انٹرٹینمنٹ سے مزید