آپ آف لائن ہیں
پیر6؍رمضان المبارک 1442ھ 19؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

وزیر اطلاعات شبلی فراز کا خواتین صحافیوں کو خراج تحسین

اسلام آباد (نمائندہ خصوصی) وفاقی وزیر اطلاعات و نشریات سینیٹر شبلی فراز نے آج کے دن میں خواتین صحافیوں کو بھی خراج تحسین پیش کرتے ہوئے کہا ہے کہ خواتین صحافیوں نے اپنے قلم کی قوت سے آزادی صحافت کی درخشاں روایات کو برقرار رکھا اور اپنی صلاحیتوں کا لوہا منوایا ہے۔ اپنے ٹویٹ میں وفاقی وزیر سینیٹر شبلی فراز نے کہا کہ میڈیاکی ترقی اور عوام تک درست معلومات کی فراہمی میں مردوں کی طرح خواتین صحافی بھی اہم کردار اداکر رہی ہیں۔ حکومت صحافیوں خصوصاً خواتین کے تحفظ اور فلاح کیلئے تمام ممکنہ اقدامات کر رہی ہے۔ انہوں نے کہا کہ خواتین اس شعبے میں آزادانہ اور احسن انداز سے اپنی ذمہ داریاں انجام دے رہی ہیں۔ ان کیلئے مزید سازگار ماحول کی فراہمی یقینی بنانے کے لئے بھرپور کاوشیں کر رہے ہیں۔

ملک بھر سے سے مزید