مصطفیٰ نواز نے رہنمائی پر فواد چوہدری کا شکریہ ادا کیا

پیپلز پارٹی کے سینیٹر مصطفیٰ نواز کھوکھر نے رہنمائی کرنے پر وفاقی وزیر سائنس اینڈ ٹیکنالوجی فواد چوہدری کا شکریہ ادا کیا ہے۔

فواد چوہدری کے بیان پر ردعمل دیتے ہوئے مصطفیٰ نواز کھوکھر نے طنزیہ انداز میں وفاقی وزیر کا شکریہ ادا کیا۔

انہوں نے کہا کہ بوتھ کے اندر پن ہول کیمرا بلائنڈز سے لگے اسکرو میں نظر آرہا ہے۔

سینیٹ انتخابات کے لیے بنائے گئے پولنگ بوتھ پر کیمرے لگنے کے انکشاف کے بعد وفاقی وزیر فواد چوہدری نے خفیہ کیمرے کی تصویر شیئر کرتے ہوئے کہا تھا کہ جاسوسی کے کیمرے اس طرح کے ہوتے ہیں۔

اس موقع پر فواد چوہدری نے جاسوسی کے آلات سے متعلق کمیٹی بنانے کا بھی مطالبہ کیا۔

وفاقی وزیر نے مزید کہا کہ اس سے پہلے کہ مصدق ملک اور مصطفیٰ نواز کھوکھر ساری وائرنگ کیمرے سمجھ کے اکھاڑ دیں،کمیٹی بنادی جائے۔