عمران خان کی صادق سنجرانی اور مرزا آفریدی کو مبارکباد

وزیراعظم عمران خان کی جانب سے صادق سنجرانی کو چیئرمین سینیٹ اور مرزا محمد آفریدی کو ڈپٹی چیئرمین سینیٹ منتخب ہونے پر مبارکباد دی گئی ہے۔

سماجی رابطے کی ویب سائٹ ٹوئٹر پر جاری کیے گئے اپنے بیان میں وزیراعظم عمران خان نے کہا کہ مجھے خوشی ہے دو عہدے بلوچستان اور سابق فاٹا کو ملے۔

عمران خان نے کہا کہ جو علاقے ماضی میں پیچھے رہ گئے، انہیں قومی دھارے میں لانا ہماری پالیسی ہے۔

واضح رہے کہ پاکستان تحریک انصاف اور اتحادی جماعتوں کے متفقہ امیدوار صادق سنجرانی سینیٹ کا الیکشن جیت کر چیئرمین سینیٹ منتخب ہوگئے ہیں۔

چیئرمین سینیٹ الیکشن: شرمیلا فاروقی نے یوسف رضا گیلانی کو فاتح قرار دیدیا

پاکستان پیپلز پارٹی کی رہنما اور رکن سندھ اسمبلی شرمیلا فاروقی نے چیئرمین سینیٹ الیکشن میں یوسف رضا گیلانی کو فاتح قرار دے دیا۔

صادق سنجرانی نے 48 ووٹ حاصل کیے جبکہ ان کے مدمقابل یوسف رضا گیلانی نے 42 ووٹ حاصل کیے۔

مرزا محمد آفریدی نے ڈپٹی چیئرمین سینیٹ کے عہدے کا حلف اٹھا لیا

ڈپٹی چیئرمین سینیٹ کے انتخاب میں حکومتی امیدوار مرزا آفریدی ڈپٹی چیئرمین سینیٹ کا انتخاب جیت کر ڈپٹی چیئرمین سینیٹ منتخب ہوگئے ۔

دوسری جانب حکومتی اتحاد کے امیدوار مرزا آفریدی پوزیشن کے مشترکہ امیدوار مولانا عبدالغفور حیدری کے 44 ووٹوں کے مقابلے میں 54 ووٹ لےکر ڈپٹی چیئرمین سینیٹ منتخب ہوئے۔