میرے خلاف بالی ووڈ کے لوگوں نے سازش کی، اور مالی نقصان پہنچایا، گووندا

15 مارچ ، 2021

بالی ووڈ کے سینیئر اداکار گوندا نے انکشاف کیا ہے کہ بالی ووڈ میں ان کے خلاف سازش کی گئی اور گزشتہ عشرے کے دوران انکے تقریباً 16 کروڑ روپے ڈوب گئے۔

گووندا 90 اور 2000 کے عشرے کے دوران فلموں میں مزاحیہ اداکاری کے حوالے سے مشہور رہے ہیں، انھوں نے کہا کہ جب اپنے ہی پرائے ہوجائیں تو پھر ایسا ہی ہوتا ہے، سازش کرنے والے فلم انڈسٹری کے ہی لوگ ہیں، جنھوں نے مجھے جان بوجھ کر سائیڈ لائن کردیا ہے جس کے نتیجے میں انھیں کافی مالی نقصان ہوا ہے۔

ایک انٹرویو میں گوندا نے حال ہی بننے والی قلی نمبر ون کے ری میک کے حوالے سے کچھ بھی کہنے سے انکار کیا، یہ فلم گوندا کے ایک زمانے کے ساتھی کریٹیو پارٹنر ڈیوڈ دھون نے ڈائریکٹ کی۔

یہ بھی پڑھیے

یہ ری میک گوندا کی 1995 کی ہٹ کامیڈی فلم پر بنائی گئی ہے اور اس میں مرکزی کردار ورون دھاون نے کیا ہے۔

اس موقع پر گوندا نے کہا کہ وہ کبھی بھی دوسروں کے خلاف کچھ نہیں بولتے جبکہ دوسرے اکثر میرے بارے میں باتیں کرتے رہتے ہیں۔

تازہ ترین