فرمان الہی
نماز کے اوقات
بلوچستان کے ضلع مستونگ میں کوئٹہ تفتان شاہراہ پر مسافر کوچ اور کار کے درمیان ہونے والی ٹکر کے نتیجے میں ایک ہی خاندان کے سات افراد جاں بحق جبکہ دو افراد زخمی ہوگئے۔
لیویز حکام کے مطابق کوئٹہ تفتان قومی شاہراہ پر مستونگ کے علاقہ پڈین کے مقام مسافر کوچ اور کار میں تصادم ہو گیا جس کے نتیجے میں 2 افراد موقع پر جاں بحق جبکہ 7 افراد شدید زخمی ہو ئے، جنہیں طبی امداد کے لئے شہید نواب غوث بخش رئیسانی اسپتال منتقل کیا گیا۔
تاہم دو خواتین اور چاربچوں سمیت پانچ مزید افراد زخموں کی تاب نہ لاتے ہوئے جاں بحق ہوگئے، جبکہ دو زخمیوں کی حالت تشویش ناک بتائی جاتی ہے، جاں بحق اور زخمیوں کا تعلق نوشکی کے ایک ہی خاندان سے ہے۔
