ہمارے پاس بھی ن لیگ کیلئے چارج شیٹ ہے: شازیہ مری

پاکستان پیپلز پارٹی کی رہنما شازیہ مری نے کہا ہے کہ اگر مسلم لیگ نون پی پی پی کے خلاف چارج شیٹ لائے گی تو ہمارے پاس بھی ن لیگ کے لیے چارج شیٹ ہے۔

شازیہ مری نے اپنے ایک بیان میں کہا کہ پی ڈی ایم اجلاس میں سوال کریں گے اپوزیشن اتحاد کی مخصوص جماعتوں کا خفیہ اجلاس کیوں بلایا گیا؟

اُنہوں نے کہا کہ پاکستان ڈیموکریٹک موومنٹ (پی ڈی ایم) حکومت کے خلاف اتحاد کا نام ہے۔

اتحادیوں نے لاڑکانہ میں اسٹیبلشمنٹ سے مل کر پی پی کی مخالفت کی، بلاول بھٹو زرداری

بلاول بھٹو زرداری نے کہا کہ اس کے باوجود پیپلزپارٹی آزادی مارچ کا ساتھ دیتی ہےاور جے یو آئی کو پی ڈی ایم کا سربراہ مانتی ہے۔

شازیہ مری نے یہ بھی کہا کہ پی ڈی ایم کو اپوزیشن پارٹیوں کے خلاف استعمال کرنے کی مسلم لیگ نون کو وضاحت دینی ہوگی۔

اُنہوں نے سوالیہ انداز میں کہا کہ اگر استعفےاتنے ضروری تھے تو ن لیگ ابھی تک اسمبلیوں میں کیوں بیٹھی ہوئی ہے؟ 

شازیہ مری نے کہا کہ پیپلز پارٹی کے بغیر اپوزیشن اتحاد چلانے کی باتیں کی جارہی ہیں، پیپلزپارٹی کے بغیر مسلم لیگ نون استعفے دینے کو تیار نہیں۔

میں نہیں سمجھتا مولانا فضل الرحمان پیپلز پارٹی سے ناراض ہوسکتے ہیں، بلاول

جیک آباد میں پریس کانفرنس کے دوران بلاول بھٹو زرداری نے کہا کہ عمران خان کوئی ذمے داری لینے کو تیار نہیں۔

اُن کا کہنا تھا کہ یوسف رضا گیلانی کو ووٹ دینے والے تمام سینیٹرز آزاد حیثیت میں منتخب ہوئے، ن لیگ کو سینیٹ میں اپوزیشن لیڈر چاہیے تھا تو وہ ایک بار بلاول بھٹو سے عہدہ مانگ لیتے وہ خوشی سے دے دیتے۔

شازیہ مری نے مزید کہا کہ پی پی پی نے سینیٹ میں اکثریتی جماعت ہونے کی حیثیت میں اپنا اپوزیشن لیڈر منتخب کرایا، یہ کوئی جرم نہیں ہے۔