ایکتا کپور کی امیتابھ بچن کیساتھ بچپن کی ایک یادگار تصویر

 

بھارتی ڈرامہ و فلم انڈسٹری کی معروف پروڈیوسر ایکتا کپور نے بالی ووڈ لیجنڈری امیتابھ بچن کے ساتھ اپنے بچپن کی ایک یادگار تصویر سوشل میڈیا پر شئیر کی ہے۔

ایکتا کپور نے اپنے تصدیق شدہ انسٹاگرام اکاؤنٹ پر امیتابھ بچن کے ساتھ اپنی ایک یادگار تصویر اور اپنی نئی فلم ’گڈبائے‘ کے کلپ بورڈ کی تصویر شئیر کی جس کا مرکزی کردار لیجنڈری اداکار امیتابھ بچن ادا کریں گے۔

بھارتی پروڈیوسر ایکتا کپور نےاپنے بچپن کی یادگار تصویر شئیر کرتے ہوئے لکھا کہ ’اس طرح سے آغاز ہوا تھا۔‘

ایکتا کپور نے فلم کے کلپ بورڈ کی تصویر شئیر کرتے ہوئے لکھا کہ’اور امید ہے کہ اس طرح چلے گا۔‘

اُنہوں نے لکھا کہ ’آخرکار میں ان کے ساتھ کام کررہی ہوں جن کے ساتھ کام کرنے کا مجھے بہت عرصے سے انتظار تھا اور میں نے اسی جنون میں اپنا بچپن گزارا۔‘

کرن بہت جلد بلڈ کینسر کو شکست دے گی: انوپم کھیر

حال ہی میں بلڈ کینسر کا شکار ہونے والی سینئر بھارتی اداکارہ اور بھارت کی حکمران جماعت بھارتیہ جنتا پارٹی (بی جے پی) کی چندی گڑھ سے رکنِ پارلیمنٹ کرن کھیر کے شوہر انوپم کھیر نے اپنی اہلیہ کا حوصلہ بُلند کرتے ہوئے کہا ہے کہ وہ جلد بلڈ کینسر کو شکست دیں گی۔

امیتابھ بچن کو مخاطب کرتے ہوئے ایکتا نے کہا کہ ’آ پ کے ساتھ کام اعزاز کی بات ہے۔‘

واضح رہے کہ بالاجی ٹیلی فیلمز اور ریلائنس انٹرٹینمنٹ کی فلم ’گُڈبائے‘ کی شوٹنگ آج سے شروع ہوگی۔ اس فلم کے ہدایتکار وکاس بھال ہیں جبکہ اس فلم کے مرکزی کردار سُپر اسٹار امیتابھ بچن اور ساؤتھ انڈین سینسیشن رشمیکا مندانا ہیں۔