فرمان الہی
نماز کے اوقات
اسلام آباد (اے پی پی/ جنگ نیوز) وزیراعظم عمران خان نے اقتصادی مشاورتی کونسل کی تشکیل نوکی منظوری دیدی ہے اور 27رکنی کونسل کانوٹیفکیشن جاری کردیا گیاہے۔
وزیراعظم کونسل کے چیئرمین اور وزیر خزانہ و محصولات وائس چیئرمین ہوں۔کونسل میں نجی شعبے کے 13ارکان عابد سلہری، عارف حبیب، آصف قریشی ، اعجاز نبی ، فاروق رحمت اللہ ، محمد علی ٹبہ، راشد امجد، سلمان شاہ ، شوکت ترین ، شمشاد اختر، سلطان الانہ ، سید سلیم رضا اور زید علی محمد شامل ہیں ۔
تفصیلات کے مطابق وزیراعظم عمران خان نے اقتصادی مشاورتی کونسل (اے ای سی) کی تشکیل نوکی منظوری دی ہے، کونسل کلی معیشت کے استحکام کیلئے اقدامات کی سفارش کرے گی تاکہ پائیداراورمضبوط اقتصادی ترقی کو یقینی بنانے کیلئے اصلاحات کے ایجنڈے کوآگے بڑھایا جاسکے۔
وزیراعظم کونسل کے چیئرمین اوروزیرخزانہ ومحصولات وائس چیئرمین ہوں۔ وزیراعظم کی غیرموجودگی میں وزیر خزانہ کونسل کے اجلاس کی صدارت کریں گے۔
کونسل میں سرکاری اورنجی شعبہ کے ممبران شامل ہوں گے۔ نجی شعبہ کے 13ممبران شامل کئے گئے ہیں جن میں شوکت ترین ، محمد علی ٹبہ ، عارف حبیب ، ڈاکٹرشمشاد اختر، سلطان علی الانہ، سیدسلیم رضا ،سلمان شاہ ،اعجاز نبی، عابد سلہری، آصف قریشی، فاروق رحمت اللہ، ڈاکٹر راشد امجد اور زید علی محمد شامل ہیں ۔
12سر کاری ممبران کونسل کا حصہ ہوں گے جن میں وزیر توانائی ، وزیر منصوبہ بندی و ترقیات ، وزیر صنعت وپیداوار ، وزیر بر ائے نیشنل فوڈ سکیورٹی ، وزیر اقتصادی امور ، مشیر تجارت ، مشیر بر ائے ادارہ جاتی اصلاحات ، معاون خصوصی بر ائے اوورسیز پاکستانیز و انسانی وسائل ، معاون خصوصی بر ائے بجلی و پیٹرولیم ، معاون خصوصی بر ائے ریونیو ،چیئر مین بورڈ آف ریونیو اور گورنر اسٹیٹ بینک شامل ہیں۔
اقتصادی مشاورتی کونسل حکومت پاکستان کے ساتھ مشاورتی واستعدادکارمیں اضافہ پرمبنی تعلقات کارکیلئے کام کرے گی۔کونسل اقتصادی اداروں کے ساتھ مل کراورہم آہنگ اندازمیں کام کرے گی۔
اقتصادی مشاورتی کونسل مشاورتی عمل کی پیروی کرتے ہوئے مالیاتی اوراقتصافی پالیسیوں کے شہریوں پرفلاحی اثرات میں اضافہ کیلئے پالیسی اقدامات کی سفارش کرے گی۔
کونسل کابنیادی وحتمی ہدف تمام اسٹیک ہولڈرز کی مشاورت سے مضبوط تجزیاتی اورشواہدپرمبنی اصلاحات واقدامات کوفروغ دینا ہے۔وزارت خزانہ کونسل کیلئے مرکزی ایجنسی کے طورپرکام کرے گی۔
کونسل کی تشکیل نوکامقصد پائیدارادارہ جاتی اصلاحات اورسرکاری شعبہ کی جدت کے ضمن میں قیادت کے ویزن کے مطابق غیرجانبدارانہ اندازمیں فعال اورمعلومات پرمبنی بحث ومباحثہ کے بعد مضبوط پالیسی سازی، تجزیاتی موزونیت ونگرانی پرمبنی اقتصادی اصلاحات کی تدوین ہے۔
