پاکستان جونیئر ہاکی کیمپ: کھلاڑیوں کے کورونا ٹیسٹ جاری

پاکستان جونیئر ہاکی کیمپ کے لیے کھلاڑیوں کے کورونا وائرس ٹیسٹ کا سلسلہ جاری ہے۔

قومی ہاکی ٹیم کے ہیڈ کوچ دانش کلیم نے کہا کہ کورونا وائرس ٹیسٹ کی رپورٹ کے بعد ویکسین کا عمل شروع ہوگا۔

ہیڈ کوچ دانش کلیم نے کہا کہ تمام کھلاڑیوں اور ٹیم مینجمنٹ کے ساتھ گراؤنڈ اسٹاف کے بھی کورونا وائرس ٹیسٹ کیے جارہے ہیں۔

ہاکی کھلاڑیوں کی ویکسینیشن: پی ایچ ایف کو NCOC کیجانب سے جواب کا انتظار

قومی ہاکی کھلاڑیوں کی ویکسینیشن کے معاملہ میں پاکستان ہاکی فیڈریشن کو این سی او سی کی جانب سے جواب کا انتظار ہے۔

دانش کلیم نے یہ بھی کہا کہ ویکسین کے بعد پاکستان جونیئر ہاکی کیمپ میں ٹریننگ کا آغاز ہوگا۔

واضح رہے کہ پاکستان جونیئر کیمپ جونیئر ایشیاء کپ کی تیاری کے لیے لگایا گیا ہے،جونیئر ایشیاء کپ یکم جولائی سے ڈھاکا میں شروع ہوگا۔