وزیراعظم نیوزی لینڈ جیسنڈا آرڈرن کا گرمیوں میں شادی کا ارادہ

نیوزی لینڈ کی وزیراعظم نے رواں برس گرمیوں میں باضابطہ طور پر شادی  کا فیصلہ کرلیا۔

غیر ملکی میڈیا رپورٹس کے مطابق جیسنڈا نے شادی کی باضابطہ تاریخ کا اعلان نہیں کیا گیا بس یہ بتایا گیا ہے کہ وہ بوائے فرینڈ سے رواں برس گرمیوں میں شادی کرلیں گی۔

میڈیا رپورٹس میں کہا جارہا ہے کہ جیسنڈا اپنی شادی روایتی دھوم دھام سے کرنے کا ارادہ نہیں رکھتیں کیونکہ جیسنڈا کا ماننا ہے کہ ان کی یہ سب کرنے کی عمر نہیں۔

نیوزی لینڈ کی وزیر اعظم جیسنڈا آرڈرن نے شادی کے حوالے سے بتادیا

نیوزی لینڈ کی وزیر اعظم جیسنڈا آرڈرن منگیتر کلارک گیفولڈ سے جلد شادی کا ارادہ رکھتی ہیں۔

40 سالہ جیسنڈا 44 سالہ کلارک گیفولڈ کے ساتھ رشتہ ازدواج میں منسلک ہوں گی جو ایک ٹی وی شو کے میزبان ہیں۔

خیال رہے کہ جیسنڈا نے مئی 2019 میں اپنی منگنی کا اعلان کیا تھا۔ اب ان کی 2 برس کی بیٹی بھی ہے۔

جیسنڈا آرڈرن اور کلارک گیفولڈ کی ملاقات 7سال قبل اُس وقت ہوئی تھی، جب کلارک پارلیمان میں کسی قانونی تبدیلی کے حوالے سے اپنی شکایت درج کروانے آئے تھے۔

اس اچانک ملاقات کے بعد اُس وقت لیبر پارٹی کی ابھرتی ہوئی سیاست دان جیسنڈا اور کلارک نے کچھ کافی وغیرہ پی اور جلد ہی انہوں نے ساتھ رہنے کا فیصلہ کرلیا۔

پاکستان کی سابق وزیراعظم بے نظیر بھٹو کے بعد جیسنڈا دوسری وزیراعظم ہیں، جنہوں نے اس عہدے پر رہتے ہوئے اولاد کو جنم دیا۔