دوسرے ٹیسٹ کا پہلا دن، پاکستان 4 وکٹ پر 268 رنز

ہرارے ٹیسٹ کے پہلے دن کے اظہر علی اور عابد علی کی شاندار سنچریوں کی بدولت پاکستان نے زمبابوے کے خلاف 4 وکٹ پر 268 رنزبنالیے۔ عابد علی 118 رنز اور ساجد خان 1 رن بناکر وکٹ پر موجود ہیں۔

ہرارے ٹیسٹ میں پاکستان نے ٹاس جیت کر بیٹنگ کا فیصلہ کیا، اوپنر عمران بٹ دو رنز بناکر آؤٹ ہوئے، لیکن دوسری وکٹ پر اظہر علی اور عابد علی نے 236 رنز کی ریکارڈ شراکت بنائی۔

ہرارے: عابد علی کے زور دار اسٹروک پر زمبابوے کے کھلاڑی کائیا زخمی

ہرارے میں کھلیے جانے والے دوسرے ٹیسٹ کے دوران عابد علی کے شارٹ کی گیند شارٹ لیگ پر فیلڈنگ کرنے والے کائیا کی ران پر لگی۔

اظہر علی نے کیریئر کی 18ویں سنچری اسکور کی، عابد علی نے ٹیسٹ میں اپنی تیسری سنچری بنائی، لیکن 80 اوورز کے بعد زمبابوے نے نئی گیند لی جس کے بعد پاکستان ٹیم کی وکٹیں گرنے کا سلسلہ شروع ہوا۔

زمبابوے کے خلاف دوسرے ٹیسٹ میں اظہرعلی کی سنچری

پاکستان کرکٹ ٹیم کے بلے باز اظہرعلی نے ٹیسٹ کیرئیرکی 18ویں سنچری اسکور کی۔

اظہر علی126 رنز بناکر آؤٹ ہوئے، بابر اعظم مسلسل دوسرے ٹیسٹ میں بھی ناکام ہوئے اور صرف دو رنز ہی بناسکے جبکہ فواد عالم بھی پانچ رنز کے مہمان ثابت ہوئے۔

 پہلے دن کے اختتام تک پاکستان نے چار وکٹ 268 رنز بنالئے۔

عابد علی 118 رنز بناکر کریز پر موجود ہیں میچ جیو سوپر سے براہ راست نشر کیا جارہا ہے۔