اداکارہ رابعہ کلثوم کے ہاں بیٹے کی پیدائش

پاکستان شوبز انڈسٹری کی خوبرو نوجوان اداکارہ رابعہ کلثوم کے ہاں بیٹے کی پیدائش ہوئی ہے۔

اس ضمن میں رابعہ کلثوم کی ساتھی اداکارہ و دوست صرحا اصغر نے سماجی رابطے کی ویب سائٹ انسٹاگرام پر خصوصی اسٹوری شیئر کی۔

صرحا اصغر نے اپنی انسٹاگرام اسٹوری میں رابعہ کلثوم اور اُن کے شوہر ریحان ناظم کو والدین بننے کی مبارکباد دی۔

اداکارہ نے بتایا کہ رابعہ کلثوم کے ہاں بیٹے کی پیدائش ہوئی ہے۔

اُن کا مزید کہنا تھا کہ وہ رابعہ کلثوم کے ننھے مہمان سے ملنے کے لیے بےتاب ہیں۔

اقرا عزیز کے ہاں جلد ننھے مہمان کی آمد متوقع

پاکستان شوبز انڈسٹری کی مقبول ترین جوڑی اقرا عزیز اور یاسر حسین بہت جلد والدین بننے والے ہیں جس کی اطلاع اُنہوں نے اپنے سوشل میڈیا پیغام کے ذریعے دی۔

صرحا اصغر کی انسٹاگرام اسٹوری سوشل میڈیا کے مخلتف پلیٹ فارمز پر تیزی سے وائرل ہورہی ہے جہاں اداکارہ کو مبارکباد دینے کا سلسلہ شروع ہوگیا ہے۔

واضح رہے کہ رابعہ کلثوم سینئر اداکارہ پروین اکبر کی بیٹی ہیں اور معروف اداکار فیضان شیخ کی بہن ہیں۔

رابعہ کلثوم سال 2015 میں ریحان ناظم کے ساتھ رشتۂ ازدواج میں منسلک ہوئی تھیں۔

اقرا عزیز کی گود بھرائی کے دوپٹے پر 100 پیغامات

بہت جلد ننھے مہمان کی والدہ بننے والی خوبرو اداکارہ اقرا عزیز کے گود بھرائی کے دوپٹے پر 100 خصوصی پیغامات لکھے گئے تھے جس کی تصاویر سوشل میڈیا پر وائرل ہوگئی ہیں۔

دوسری جانب رابعہ کلثوم پاکستان کے متعدد ڈراموں میں اپنی اداکاری کے جوہر دکھا چکی ہیں۔