• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تائیوان: کورونا کیسز بڑھنے پر لیول 3 الرٹ جاری

تازہ ترین
بین الاقوامی خبریں
15 مئی ، 2021
تائیوان: کورونا کیسز بڑھنے پر لیول 3 الرٹ جاری

تائیوان کے دارالحکومت تائپے میں کورونا وائرس کے کیسز بڑھنے پر لیول 3 الرٹ جاری کرتے ہوئے گھر سے باہر ماسک پہننے اور گھروں میں تقاریب 5 افراد تک محدود کرنے کی ہدایات جاری کردی گئیں۔

خبر ایجنسی کے مطابق تائپے میں تھیٹر، میوزیم، سوئمنگ پولز اور پارکس بھی بند رہیں گے جبکہ تائپے میں الرٹ دو ہفتوں کے لیے نافذ کیا گیا ہے۔

تائپےمیں گزشتہ روز کورونا وائرس کے 180 نئے کیسز رپورٹ ہوئے۔

دوسری جانب  جاپان نے ٹوکیو سمیت 6 علاقوں میں نافذ ایمرجنسی میں توسیع کردی ہے، جاپان نے مزید تین علاقوں میں بھی ایمرجنسی کا نفاذ کیا ہے۔

دنیا میں اب تک کتنے افراد کورونا سے شفایاب ہوئے؟

کورونا وائرس کے دنیا بھر میں 1 کروڑ 87 لاکھ 41 ہزار 439 مریض اسپتالوں، قرنطینہ مراکز میں زیرِ علاج اور گھروں میں آئسولیشن میں ہیں، جن میں سے 1 لاکھ 3 ہزار 674 کی حالت تشویش ناک ہے جبکہ 14 کروڑ 4 لاکھ 36 ہزار 790 کورونا مریض صحت یاب ہو چکے ہیں۔

خبر ایجنسی کے مطابق سنگاپور نے بھی سماجی تقاریب اور عوامی سرگرمیوں پر کورونا وائرس کے سبب پابندیوں کا اعلان کردیا ہے۔

اُدھر ترکی میں کورونا وائرس کے سبب عائد پابندیوں میں اگلے ہفتے سے نرمی کا اعلان کردیا گیا ہے۔

خبر ایجنسی کے مطابق روس نے 25 مئی سے آئس لینڈ، مالٹا، میکسیکو، پرتگال اور سعودی عرب کے لیے پروازیں بحال کرنے کا اعلان کیا ہے۔

تازہ ترین