امریکی فوج کو بیس سے متعلق دفتر خارجہ کی وضاحت غیرتسلی بخش، سعد رفیق

(ن) لیگ کے رہنما خواجہ سعد رفیق نے کہا ہے کہ امریکی فوج کو بیس سے متعلق دفتر خارجہ کی وضاحت غیرتسلی بخش ہے۔

ایک بیان میں سعد رفیق کا کہنا تھا کہ پاک امریکا ایئر گراؤنڈ کمیونیکیشن معاہدہ یقیناً 2001 میں ہوا ہوگا، بتایا جائے معاہدے کی میعاد کیا تھی؟ کب سے عملدرآمد نہیں ہو رہا؟۔

خواجہ سعد رفیق نے کہا کہ نیا معاہدہ نہیں ہوا تو کیا پرانے معاہدے کی تجدید ہوئی؟ پرانے معاہدے کی تجدید ہوئی تو کس نے کی؟۔

پاکستان میں کوئی امریکی فوجی یا ایئربیس نہیں، ترجمان دفتر خارجہ

ترجمان دفتر خارجہ نے کہا کہ پاکستان اور امریکا کے درمیان 2001 سے ائیر لائنز کمیونیکشن کے ضمن میں تعاون کا فریم ورک ہے۔

انہوں نے کہا کہ معاملے کو کابینہ اور اسمبلی میں زیربحث کیوں نہیں لایا گیا؟ قومی سلامتی سے متعلق اس معاملے پر پارلیمنٹ میں وضاحت پیش کی جائے۔