• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئٹہ گلیڈی ایٹرز کے بولر انور علی کورونا کا شکار

تازہ ترین
کھیلوں کی خبریں
25 مئی ، 2021
کوئٹہ گلیڈی ایٹرز کے بولر انور علی کورونا کا شکار

کوئٹہ گلیڈی ایٹرز کے فاسٹ بولر انور علی کا کورونا ٹیسٹ مثبت آگیا، جنہیں فوری طور پر آئسولیٹ کر دیا گیا ہے، انور علی پی اسی ایل 6 کے بقیہ میچز سے باہر ہو گئے۔

پی ایس ایل 6 کی مشکلات بڑھتی جا رہی ہیں، لیگ کے دوبارہ آغاز سے قبل ایک اور کھلاڑی کا کورونا ٹیسٹ مثبت آ گیا ہے۔

پی سی بی PSL سے جڑے تمام افراد کے آج ویزے ملنے کیلئے پُرامید،ذرائع

لاہور میں موجود کرکٹرز، کوچنگ اسٹاف، میچ آفیشلز اور بورڈ آفیشلز کی ویکسی نیشن مکمل کر لی گئی ہے۔

معروف فرنچائز کوئٹہ گلیڈی ایٹرز کے مطابق ان کے اسکواڈ میں شامل آل راؤنڈر انور علی کا کورونا ٹیسٹ مثبت آیا ہے۔

انور علی کو ہوٹل میں علیحدہ منزل پر قرنطینہ میں بھیج دیا گیا ہے، اب وہ ٹیم کے ہمراہ ابوظہبی نہیں جا سکیں گے اور پی ایس ایل سکس کے بقیہ 20 میچز سے وہ باہر ہو گئے ہیں۔

کوئٹہ گلیڈی ایٹرز کے یہ دوسرے کھلاڑی ہیں جو ایونٹ سے باہر ہوگئے۔

کوئٹہ گلیڈی ایٹرز کے فاسٹ بولر نسیم شاہ بھی پی ایس ایل سے باہر

بابر حامد نے کہا کہ نظر انداز کرتے تو ممکنہ طور پر ایونٹ کو خطرے میں ڈال دیتے، فیصلہ قبول کرنے پر کوئٹہ گلیڈی ایٹرز کو سراہتے ہیں۔

گزشتہ روز کوئٹہ گلیڈی ایٹرز ہی کے نوجوان فاسٹ بولر نسیم شاہ کو کورونا کی پرانی ٹیسٹ رپورٹ جمع کروانے پر لیگ سے باہر کر کے گھر بھیج دیا تھا۔

پی ایس ایل کھیلنے کیلئے کھلاڑی اور دیگر اسٹاف کل چارٹر طیارے سے ابوظہبی روانہ ہو گا۔

تازہ ترین