فرمان الہی
نماز کے اوقات
پیپلز پارٹی کے سینئر رہنما نیئر بخاری نے کہا ہے کہ آج اپوزیشن اتحاد ( پی ڈی ایم ) کا نہیں ہم خیال جماعتوں کا اجلاس ہوا ہے۔
جیو نیوز کے پروگرام ’نیا پاکستان‘ میں اظہار خیال کرتے ہوئے نیئر بخاری نے کہاکہ پیپلز پارٹی کسی کی بھی ماتحت جماعت نہیں ہے۔
انہوں نے کہا کہ شہباز شریف اگر خود کو پی ڈی ایم کا نمائندہ سمجھتے ہیں تو پھر اُن سے بات نہیں ہوسکتی ہے۔
پی پی کے سینئر رہنما نے مزید کہا کہ پی ڈی ایم کے سربراہی اجلاس میں فیصلہ ہوا تھا کہ لانگ مارچ ہوگا اور تحریک عدم اعتماد لائی جائے گی۔
اُن کا کہنا تھاکہ جو فیصلے پی ڈی ایم میں کیے تھے وہ برابری کی سطح پر کیے تھے، میں پوچھتا ہوں کہاں گیا لانگ مارچ، یہ کیوں پنجاب اسمبلی سے استعفیٰ نہیں دیتے؟
نیئر بخاری نے یہ بھی کہا کہ یہ لوگ شوکاز نوٹس پر معافی مانگیں، پیپلز پارٹی ان سے رجوع نہیں کرے گی۔
