اسکول کھولنے نہ کھولنے کا فیصلہ آج کل میں کرینگے: سعید غنی

سندھ کے وزیرِ تعلیم سعید غنی کا کہنا ہے کہ صوبے میں اسکول کھولنے یا نہ کھولنے سے متعلق آج کل میں فیصلہ کریں گے۔

ایک بیان میں وزیرِ تعلیم سندھ سعید غنی کا کہنا ہے کہ اسکول کھولنے کے سلسلے میں فیصلے مشاورت سے کیئے جائیں گے۔

وفاقی وزیر تعلیم کا اعلان کردہ شیڈول ہمارا شیڈول نہیں ہے، سعید غنی

سعید غنی نے کہا کہ سندھ میں امتحانات میں کورونا وائرس کی ایس او پیز کو یقینی بنایا جائے گا۔

انہوں نے کہا کہ ایکسپو سینٹر کراچی میں کورونا وائرس کے مریضوں کی تعداد زیادہ ہے۔

سندھ کے وزیرِ تعلیم نے کہا کہ سندھ حکومت نے اسپتالوں میں گنجائش بڑھانے کے لیے اقدامات کیئے ہیں۔

انہوں نے کہا کہ سرکاری ملازمین کو کورونا وائرس کی ویکسین لگانے کے لیے پابند کیا جا سکتا ہے۔

یقین دلاتا ہوں اب پابندیاں بڑھیں گی نہیں کم ہوں گی، سعید غنی

سعید غنی نے کہا کہ آج ٹاسک فورس نے سختیاں کم کرنے کا عندیہ دیا ہے، ری اوپننگ کی طرف جارہے ہیں۔ اس پر مشاورت شروع کررہے ہیں، پہلی لہر میں پابندیاں آہستہ آہستہ ہٹائی گئیں۔

سعید غنی نے مزید کہا کہ صنعتوں میں کام کرنے والوں کو بھی ویکسینیشن کرانے کے لیے پابند کریں گے، تاجر خود اور اپنے ملازمین کو ویکسین لگوائیں۔

سندھ کے وزیر کا یہ بھی کہنا ہے کہ اگر ہم بازار اور شادی ہالز کھولتے ہیں تو کورونا ویکسی نیشن لازمی ہو گی، شہری لازماً اپنی ویکسی نیشن کرائیں۔