فرمان الہی
نماز کے اوقات
انٹرنیشنل کرکٹ کونسل (آئی سی سی ) نے قومی فاسٹ بولر حسن علی کو مین پلئیر آف دی منتھ کیلئے نامزد کردیا۔
فاسٹ بولر حسن علی نے 8.92کی اوسط سے 14 وکٹیں حاصل کیں، قومی کرکٹر کے علاوہ رواں ماہ کے پلیئر کیلئے بنگلہ دیش کے مشفق الرحیم اور سری لنکا کے پراوین جیاوکراما کو بھی نامزد کیا گیا ہے۔
آئی سی سی کی جانب سے ماہِ مئی کیلئے ’پلیئر آف دی منتھ‘ کی فہرست میں بہترین کارکردگی پیش کرنے پر حسن علی کو اس فہرست کا حصہ بنایا گیا ہے۔
شائقین کرکٹ اپنے پسندیدہ کھلاڑی کو ووٹ دے سکتے ہیں، شائقین کرکٹ کے ووٹس کو دیکھتے ہوئے پینل پولنگ کے نتائج کا اعلان کرے گا۔
گزشتہ ماہ قومی کرکٹ ٹیم کے کپتان بابر اعظم نے انٹرنیشنل کرکٹ کونسل (آئی سی سی) پلیئر آف دی منتھ ہونے کا اعزاز اپنے نام کیا تھا۔
