ایمان علی کو ذہنی طور پر مدد کی ضرورت ہے: متھیرا کا مشورہ

پاکستانی ماڈل، گلوکارہ، اداکارہ و میزبان متھیرا نے ایمان علی کے حالیہ بیان پر ردّعمل دیتے ہوئے کہا ہے کہ اداکارہ کو ذہنی طور پر مدد کی ضرورت ہے۔

متھیرا نے سوشل میڈیا سائٹ انسٹاگرام کا رُخ کرتے ہوئے اداکارہ ایمان علی کے لیے خصوصی پیغام جاری کیا۔

متھیرا نے اپنی انسٹاگرام اسٹوری میں کہا کہ ’مجھے نہیں معلوم کہ’خُسرہ‘ یا ’ماسی‘ جیسے الفاظ کسی کی توہین کرنے کے لیے کیوں استعمال ہوتے ہیں۔‘ 

اُنہوں نے کہا کہ ’ایمان علی ایک بہت ہی خوبصورت خاتون ہے اور اسے ذہنی طور پر مدد کی ضرورت ہے لیکن براہِ کرم! اس طرح کے الفاظ استعمال نہ کریں جس سے کسی کی توہین ہو۔‘

متھیرا نے ایمان علی کا ساتھ دیتے ہوئے کہا کہ ’ہمارے معاشرے میں دماغی صحت ایک بہت بڑی تشویش ہے اور وہ لوگ جو کمنٹ سیکشن میں ایمان کو ٹرول کررہے ہیں، یہ وہی لوگ ہیں جو دوسروں کی توہین کے لیے ایسے الفاظ استعمال کرتے ہیں۔‘

خواجہ سرا کامی سد کا ایمان علی کو کرارا جواب

پاکستان کی پہلی خواجہ سرا ماڈل و اداکارہ کامی سد کی جانب سے ایمان علی کے حالیہ بیان پر شدید ردّعمل کا اظہار کیا گیا ہے۔

اُنہوں نے مزید کہا کہ ’براہ کرم! اس بیان کو مزید اُجاگر کرنا بند کریں، ایسا کرنے سے ایمان جیسے تنقید کا شکار لوگ مزید ذہنی اذیت میں مبتلا ہوجاتے ہیں۔‘

واضح رہے کہ حال ہی میں ایمان علی ایک نجی ٹی وی چینل کے پروگرام میں شریک ہوئی تھیں جہاں اُنہوں نے انکشاف کیا تھا کہ اُنہیں اپنا چہرہ بالکل پسند نہیں ہے، ساتھ ہی انہوں نے اپنے چہرے کو خواجہ سرا سے تشبیہ دی تھی۔

مجھے اپنا چہرہ پسند نہیں: ایمان علی کا انکشاف

پاکستان شوبز انڈسٹری کی معروف اداکارہ و ماڈل ایمان علی نے انکشاف کیا ہے کہ اُنہیں اپنا چہرہ بالکل پسند نہیں ہے جس کی وجہ سے وہ اپنی سیلفیز بھی نہیں لیتی ہیں۔

ایمان علی کے اس بیان پر جہاں خواجہ سراؤں کی جانب سے اداکارہ کو خواب کرارے جواب دیے گئے تو وہیں سوشل میڈیا صارفین نے بھی اُنہیں تنقید کا نشانہ بنانے میں کثر نہ چھوڑی۔