• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

منگھوپیر میں 20 ایکڑ سرکاری زمین واہ گزار کرالی گئی

کراچی کے علاقے منگھوپیر میں اینٹی انکروچمنٹ پولیس نے کارروائی کرتے ہوئے 20 ایکڑ سرکاری زمین واہ گزار کرالی۔

ڈائریکٹر اینٹی انکروچمنٹ پولیس طارق دھاریجو کے مطابق منگھوپیر میں اینٹی انکروچمنٹ زون 1 نے لینڈ گریبرز کے خلاف آپریشن کیا۔

آپریشن دیھ جام چاکرو اور بند مراد میں سرکاری زمین پر قبضہ کے خلاف کیا گیا، آپریشن کے دوران سرکاری 20 ایکڑ زمین واہ گزار کرالی گئی۔

آپریشن کے نتیجے میں غیر قانونی گھر، دکانیں اور دیگر تجاوزات مسمار کردی گئیں۔

واہ گزار کرائی گئی سرکاری زمین کی مالیت کروڑوں روپے ہے ، جبکہ قبضے میں ملوث لینڈ گریبرز کے خلاف مقدمہ درج کیا جا رہا ہے۔

قومی خبریں سے مزید