غیرپارلیمانی زبان استعمال کرنے والے ارکان کو ایوان میں داخلے کی اجازت نہیں ہوگی، اسپیکر

اسپیکر قومی اسمبلی اسد قیصر نے ہنگامہ آرائی میں ملوث ارکان کے کل ایوان میں داخلے پر پابندی لگادی۔

ایک بیان میں اسپیکر قومی اسمبلی نے کہا کہ آج پارلیمنٹ میں جو کچھ ہوا اس کی مکمل تحقیقات کرائی جائے گی۔

انہوں نے کہا کہ آج کے اجلاس میں غیر پارلیمانی زبان استعمال کرنے والے ارکان کو کل ایوان میں داخلے کی اجازت نہیں دی جائے گی۔

قومی اسمبلی: آج پوری کابینہ سرگرم نظر آئی

قومی اسمبلی میں آج پوری وفاقی کابینہ سرگرم نظر آئی ،وزیر خارجہ شاہ محمود قریشی سے شیریں مزاری تک سب ہی نے بڑھ چڑھ کر حصہ ڈالا۔

لڑائی کہاں سے شروع ہوئی؟ فواد چوہدری نے بتادیا

وفاقی وزیر اطلاعات فواد چوہدری نے کہا ہے کہ ایوان میں لڑائی علی گوہر بلوچ کے نعروں کے بعد شروع ہوئی ۔

اسد قیصر نے مزید کہا کہ آج کے اسمبلی اجلاس میں حکومتی اور اپوزیشن ارکان کی جانب سے غیر پارلیمانی رویے کا اظہار کیا گیا۔

یاد رہے کہ اپوزیشن لیڈر شہباز شریف کی بجٹ پر تقریر کے دوران ایک بار پھر حکومت اور اپوزیشن کے ارکان آمنے سامنے آگئے۔

شہباز شریف گزشتہ روز کی ادھوری تقریر کرنے کھڑے ہوئے تو حکومتی ارکان نے شور شرابہ شروع کردیا، جس پر ن لیگ کےا رکان نے اپوزیشن لیڈر کو حصار میں لے لیا۔

اس دوران حکومتی اور اپوزیشن ارکان میں نعرے بازی ہوئی ، جو پہلے تلخ کلامی ، پھر جھڑپ اور بعدازاں ایک دوسرے پر بجٹ دستاویز پھینکنے تک پہنچ گئی۔

ایوان کی آج کی کارروائی کے دوران متعدد بار ایسا ہوا کہ ایوان میں اسپیکر بے بس دکھائی دیے ،انہوں نے متعدد بار اجلاس بھی ملتوی کیا۔