• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

فردوس کا مندوخیل کو تھپڑ، پولیس کا جواب جمع

کراچی غربی کی ایڈیشنل ڈسٹرکٹ اینڈ سیشن عدالت میں وزیرِ اعلیٰ پنجاب کی معاون خصوصی فردوس عاشق اعوان اور پیپلز پارٹی کے ایم این اے عبدالقادر مندوخیل کو تھپڑ مارنے کے مقدمے کی سماعت کے دوران پولیس کی جانب سے جواب جمع کروا دیا گیا۔

عبدالقادر مندوخیل کی جانب سے فردوس عاشق اعوان کے خلاف کیئے گئے مقدمے کے اندراج کی درخواست کی سماعت کے دوران پیش کی گئی پولیس کی رپورٹ میں کہا گیا ہے کہ واقعہ اسلام آباد میں نجی ٹی وی پروگرام میں پیش آیا ہے۔

پولیس کی رپورٹ میں یہ بھی کہا گیا ہے کہ مقدمے کے اندراج کے دائرہ اختیار کا فیصلہ عدالت نے کرنا ہے۔

کراچی غربی کی ایڈیشنل ڈسٹرکٹ اینڈ سیشن عدالت نے مقدمے کی سماعت 3 جولائی تک ملتوی کر دی۔

قومی خبریں سے مزید