فرمان الہی
نماز کے اوقات
وفاقی وزیر برائے اطلاعات و نشریات فواد چوہدری کی جِم میں باکسنگ کرتے ویڈیو سوشل میڈیا پر زیرگردش ہے۔
فواد چوہدری کی ٹریک سُوٹ زیب تن کیے کسی جِم میں باکسنگ کی ویڈیو عدیل راجہ نامی صارف نے ٹوئٹر پر شیئر کی۔
ویڈیو کے حوالے سے یہ تو نہیں بتایا گیا کہ یہ ویڈیو ماضی کی ہے یا حالیہ لیکن صارف اس لگن سے وفاقی وزیر کو باکسنگ کی پریکٹس کرتا دیکھ کر حیران ہو گئے ہیں۔
فواد چوہدری کی یہ ویڈیو سوشل میڈیا پر وائرل ہوئی تو انہوں نے خود تو اس پر لب کشائی نہیں کی مگر صرف ٹوئٹ کو لائیک کرنے پر اکتفا کیا۔
وفاقی وزیر کی ویڈیو ناصرف ٹوئٹر بلکہ ٹک ٹاک پر بھی زیرگردش ہے کیونکہ یہ ویڈیو ان کے چاہنے والے نے پہلے ٹک ٹاک پر ہی شیئر کی تھی۔
واضح رہے کہ فواد چوہدری اپنے بیانات کے باعث خبروں کا حصہ تو بنتے ہی رہتے ہیں لیکن کبھی ان کی سالگرہ کی تقریب کے چرچے بھی زبان زد عام و خاص رہتے ہیں تو کبھی جم میں ورک آؤٹ کی ویڈیو۔
فواد چوہدری پر بنے میمز بھی مزاح کا سامان اپنے اندر سموئے ہوتے ہیں جس پر وہ اکثر خود بھی تبصرہ کیے بغیر نہیں رہ سکتے۔
صارفین بھی وفاقی وزیر کی نجی زندگی کے حوالے سے مختلف پہلو جان کر خوش ہوتے ہیں۔
