عامر خان اور کرن کی طلاق کی خبر پر پوجا بھٹ کا ردّعمل

بھارتی فلم ساز و اداکارہ پوجا بھٹ نے عامر خان اور کرن راؤ کی طلاق کی خبر پر ردّعمل دیتے ہوئے کہا ہے کہ رشتے کاغذ پر نہیں بلکہ دل میں بنائے جاتے ہیں۔

پوجا بھٹ نے سماجی رابطے کی ویب سائٹ ٹوئٹر پر جاری کیے گئے اپنے پیغام میں لکھا کہ ’شوہر اور بیوی کی حیثیت سے علیحدگی اختیار کرنے کے فیصلے کے بعد بھی باہمی تعاون سے اپنے بچوں کی پرورش کرنا کوئی نئی بات نہیں ہے۔‘

بالی ووڈ اداکارہ نے لکھا کہ ’رشتے کاغذ پر نہیں بنائے جاتے بلکہ رشتے تو دل سے بنتے ہیں اور شادی ٹوٹنے کے بعد بھی اپنے رشتے کو احترام کے ساتھ برقرار رکھنے کے لیے دیانتداری کی ضرورت ہوتی ہے۔‘

اُنہوں نے اپنے اگلے ٹوئٹ میں لکھا کہ ’زیادہ تر شادیاں بُری طرح ختم ہوتی ہیں جن میں دوبارہ تعلقات قائم رکھنا ناممکن ہوتا ہے۔‘

کرن نے طلاق کے اعلان سے قبل اپنی فیملی فوٹو مجھے بھیجی تھی: قریبی دوست امین حاجی

بالی ووڈ اداکار عامر خان کے قریبی دوست اور بھارتی پروڈیوسر، اداکار امین حاجی نے انکشاف کیا ہے کہ کرن راؤ نے طلاق کے بیان سے قبل اُنہیں اپنی فیملی فوٹو میسج پر بھیجی تھی۔

پوجا بھٹ نے مزید لکھا کہ ’لوگ تلخی کو سمجھتے اور قبول کرتے ہیں، یہی وجہ ہے کہ زیادہ تر لوگ اپنے اور اس رشتے کے بارے میں حقیقت کا سامنا کرنے کے بجائے جھوٹ بولتے ہیں۔‘

خیال رہے کہ بالی ووڈ اسٹار عامر خان نے اہلیہ کرن راؤ سے 15 برس تک رشتۂ ازدواج میں منسلک رہنے کے بعد باضابطہ طور پر طلاق کا اعلان کردیا ہے۔

عامر خان اور کرن کو اپنی طلاق کا جشن منانا چاہیے: رام گوپال ورما

معروف بھارتی فلمساز رام گوپال نے کہا ہے کہ بالی ووڈ اداکار عامر خان اور کرن راؤ کو اپنی طلاق کا جشن منانا چاہیے۔

عامر خان اور کرن راؤ 28 دسمبر 2005 کو شادی کے بندھن میں بندھے تھے، ان کے ہاں 2011 میں بیٹے آزاد راؤ خان کی پیدائش ہوئی تھی۔

عامر خان کی زندگی میں کونسی تین خواتین سب سے زیادہ اہم ہیں؟

گزشتہ روز اپنی دوسری بیوی کرن راؤ کے ساتھ طلاق کا اعلان کرنے والے بالی ووڈ اداکار عامر خان نے اپنی ایک انٹرویو میں انکشاف کیا تھا کہ اُن کی زندگی میں تین خواتین سب سے زیادہ اہم ہیں جن میں اُن کی والدہ، سابقہ اہلیہ رینا دتہ اور کرن راؤ شامل ہیں۔

تاہم اب دونوں نے طلاق سے متعلق مشترکہ بیان جاری کیا جس میں انہوں نے اپنے چاہنے والوں کو بتایا کہ ان کی شادی اختتام پذیر ہوگئی ہے، لیکن اسے ایک نئے سفر کے طور پر دیکھا جائے۔