فرمان الہی
نماز کے اوقات
حج آپریشنز کو مکمل طور پر ڈیجیٹل بنانے کی طرف اہم پیش رفت ہوئی ہے، وزارتِ مذہبی امور اور وزارتِ آئی ٹی کے درمیان حج ڈیجیٹلائزیشن کے لیے ایم او یو پر دستخط کیے گئے۔
جوائنٹ سیکریٹری حج محمد بخش سانگی اور ڈی جی نیشنل آئی ٹی بورڈ ڈاکٹر خالد رفیق نے ایم او یو پر دستخط کیے۔
وفاقی وزیر مذہبی امور سردار محمد یوسف نے اس حوالے سے کہا کہ وزیراعظم کی ہدایت پر حج عمل مزید شفاف اور سہل بنایا جا رہا ہے، ڈیجیٹل نظام سے غیر ضروری تاخیر اور انسانی غلطیوں کا خاتمہ ہوگا۔
وزیر آئی ٹی شزا فاطمہ نے کہا کہ آئندہ سال حج درخواست سے وطن واپسی تک اینڈ ٹو اینڈ ڈیجیٹل نظام متعارف کروایا جائے گا۔
انہوں نے کہ درخواست گزاروں کے لیے سادہ اور آسان فہم آن لائن حج پورٹل قائم کیا جائے گا۔
دریں اثنا سرکاری اعلامیہ کے مطابق ایم او یو کے تحت پاک حج موبائل ایپ کو مزید بہتر اور آسان فہم بنایا جائے گا۔
اعلامیہ کے مطابق پورٹل کے ذریعے اسٹیک ہولڈرز کے درمیان موثر رابطہ اور سعودی ٹائم لائنز کی پابندی یقینی بنائی جائے گی۔
