سعودیہ: حجاج کو کورونا ویکسین کی دوسری ڈوز لگوانے کی ہدایت

سعودی عرب کی وزارتِ حج کی جانب سے حج کا اجازت نامہ ملنے والوں کو 48 گھنٹوں میں کورونا وائرس کی ویکسین کی دوسری ڈوز لگوانےکی ہدایت کی گئی ہے۔

حج کی تیاریاں، معتمرین کا مطاف میں داخلہ عارضی طور پر معطل

حج کی تیاریوں کےباعث معتمرین کامطاف میں داخلہ عارضی معطل ہے۔ حرمین انتظامیہ کے مطابق مقامی شہریوں، خواتین اور انتظامی کارکنوں کو محدود تعداد میں طواف و نماز کی اجازت ہوگی۔

سعودی عرب کی وزارتِ حج کا اس حوالے سے کہنا ہے کہ کورونا وائرس کی ویکسین کی دوسری خوراک نہ لگوانے والوں کا اجازت نامہ منسوخ ہو جائے گا۔

واضح رہے کہ عازمین حج کے استقبال کی تیاریاں جاری ہیں، اس سال 150 ممالک کے اقامہ ہولڈرز، مقیمین اور دیگر سعودی شہری مناسک حج ادا کریں گے۔

خطبہ حج کا ترجمہ اردو سمیت 10 زبانوں میں نشر ہوگا

انتظامیہ کا کہنا ہے کہ حج پر طواف کے لیے 25 ٹریک تیار کئے گئے ہیں۔ مطاف میں جانے اور نکلنے کے لیے متعدد راستے مقرر کئے ہیں

واضح رہے کہ سعودی عرب میں حج کااہم رکن وقوفِ عرفات 19 جولائی کو ادا کیا جائے گا جبکہ عید الاضحی 20 جولائی کو ہو گی۔