فرمان الہی
نماز کے اوقات
ڈچز آف سسیکس میگھن مارکل اسٹریمنگ سروس نیٹ فلکس کے لیے نیا شو ’پرل‘ بنانے جا رہی ہیں۔
بین الاقوامی میڈیا رپورٹ کے مطابق میگھن مارکل کے پروڈکشن ہاؤس کی جانب سے اعلان کیا گیا ہے کہ میگھن مارکل ایک نئے انیمیٹڈ شو ’پرل‘ کو بنانے کے لیے نیٹ فلکس کے ساتھ شراکت داری کر رہی ہیں۔
اس حوالے سے میگھن کا کہنا ہے کہ'اس نئے شو پرل کی ہیروئین اپنی عمر کی بہت سی لڑکیوں کی طرح ایک ایسے سفر پر ہےجہاں وہ زندگی کے روزمرہ کے چیلنجز پر قابو پانے کی کوشش کرتی ہے۔‘
انہوں نے کہا کہ ’مجھے بہت خوشی ہے کہ نیٹ فلکس کے پاور ہاؤس پلیٹ فارم کے ساتھ شراکت داری میں آرچوئیل پروڈکشن اور شاندار پروڈیوسرز مل کر ایک انیمیٹڈ سیریز بنائیں گے جو تاریخ کی غیر معمولی خواتین کی حوصلہ افزائی کرے گی۔‘
فلمساز ڈیوڈ فرنیش کے بارے میں بات کرتے ہوئے میگھن نے کہا کہ ’ ڈیوڈ فرنیش اور میں اس خصوصی سیریز کو منظر عام پر لانے کے خواہاں ہیں اور مجھے خوشی ہے کہ ہم آج اس کا اعلان کرنے میں کامیاب ہوئے ہیں۔‘
گزشتہ سال دستاویزی سیریز ہارٹ آف انوکیٹس کے بعد یہ ڈیوک اور ڈچز آف سسیکس کا نیٹ فلکس کے ساتھ دوسرا پروگرام ہے۔
واضح رہے کہ شاہی خاندان سے علیحدگی اختیار کرنے کے بعد امریکا منتقل ہونے والے برطانوی شہزادہ ہیری اور ان کی اہلیہ میگھن مارکل نے پچھلے سال اسٹریمنگ سروس کے ساتھ ایک بڑے معاہدے پر دستخط کیے تھے۔
