فواد چوہدری کا سندھ حکومت کو کارکردگی بہتر بنانے کا مشورہ

وفاقی وزیر اطلاعات فواد چوہدری نے کہا ہے کہ کراچی اور حیدر آباد ویکسی نیشن میں سب سے پیچھے ہیں۔

اسلام آباد میں میڈیا بریفنگ کے دوران فواد چوہدری نے سندھ حکومت کو کورونا وائرس پر قابو پانے کے لیے کارکردگی بہتر بنانے کا مشورہ دے دیا۔

انہوں نے کہاکہ سندھ حکومت اپنے گریبان میں جھانکے، وفاقی حکومت کو اختیار ہے کہ وہ صوبوں کو گورننس کی طرف توجہ دلائے۔

قانون سے کوئی بڑا نہیں، ملک میں یہی جنگ چل رہی ہے، وزیراعظم

وزیراعظم عمران خان نے کہا ہے کہ ملک میں کوئی بھی قانون سے بڑا نہیں ،3سال سے یہی جنگ چل رہی ہے۔

وزیر اطلاعات نے اپوزیشن لیڈر شہباز شریف کے ماضی بھلا کر آگے بڑھنے کے بیان کو خوش آئند قرار دیا۔

اُن کا کہنا تھا کہ پارلیمنٹ میں موجود اپوزیشن سے حکومت بات کرنے کو تیار ہے، پارلیمنٹ سے باہر بیٹھی حزب اختلاف سے بات نہیں کریں گے۔

پاکستان آنے والے بچوں کا بھی کورونا ٹیسٹ لازمی قرار

سول ایوی ایشن اتھارٹی ( سی اے اے ) نے پاکستان آنے والے 6 سال کے بچوں کا بھی کورونا ٹیسٹ لازمی قرار دیدیا۔

فواد چوہدری نے مزید کہا کہ سابق وزیراعظم نواز شریف، اُن کی صاحبزادی مریم نواز اور مولانا فضل الرحمٰن سمیت دیگر اس نظام کو آگے بڑھتا نہیں دیکھ سکتے ہیں۔

انہوں نے یہ بھی کہا کہ ملک سے باہر بیٹھے مفرور افراد کو پارٹی کی قیادت کرنے کا کوئی حق نہیں۔

وفاقی وزیر نے کہا کہ الیکشن کمیشن ارکان کی تقرری پر شہباز شریف سے وزیراعظم عمران خان کی فوری ملاقات کا کوئی امکان نہیں۔