کراچی: 6 سالہ ماہم سے زیادتی و قتل کیس میں ملزم کا اعترافِ جرم

کراچی کے علاقے کورنگی زمان ٹاؤن میں 6 سال کی ماہم سے زیادتی اور قتل کے مقدمے میں اہم پیش رفت سامنے آئی ہے، ملزم ذاکر عرف انٹولہ نے جوڈیشل مجسٹریٹ کے روبرو جرم کا اعتراف کرلیا۔

جوڈیشل مجسٹریٹ نے ملزم کو عدالتی ریمانڈ پر جیل بھیج دیا۔

معلوم نہیں تھا ہمارے ساتھ درندہ صفت انسان موجود ہے، والد ماہم

کراچی کے علاقے کورنگی میں زیادتی کے بعد قتل کی گئی بچی ماہم کے والد عبدالخالد نے کہا ہے کہ ملزم ذاکر ہمارے ساتھ اٹھتا بیٹھتا کھاتا پیتا تھا۔

ملزم ذاکر عرف انٹولہ نے جوڈیشل مجسٹریٹ کے روبرو جرم کا اعتراف کرلیا، ملزم کے اعترافی بیان کے ابتدائی نکات سامنے آگئے۔

ملزم کا کہنا ہے کہ چھ سال کی ماہم کو 27 جولائی کو اغوا کیا تھا، بچی کو زیادتی کا نشانہ بنانے کے بعد خوف کی وجہ سے قتل کردیا۔

ملزم نے اپنے بیان میں بتایا کہ بچی کے قتل کے بعد لاش کچرا کنڈی میں پھینک دی۔