• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عاطف اسلم کے انسٹا فالوورز کی تعداد 6 ملین ہوگئی

موسیقی کی دنیا میں کامیابی کے جھنڈے گاڑنے والےعالمی شہرت یافتہ گلوکار عاطف اسلم کی سوشل میڈیا پر بھی مقبولیت میں اضافہ ہوگیا ہے۔

گزشتہ ماہ ریلیز ہونے والی گلوکار عاطف اسلم اور ہر دلعزیز اداکارہ سجل علی کی نئی میوزک ویڈیو ’رفتہ رفتہ‘کے ویڈیو شیئرنگ ایپ یوٹیوب کی میوزک کیٹیگری میں ٹاپ ٹرینڈنگ میں آنے کے بعد اب گلوکار عاطف اسلم کے انسٹا فالوورز کی تعداد بھی 6 ملین ہوگئی ہے۔

عاطف اسلم کی انسٹا پروفائل پر ایک نظر ڈالی جائے تو انہوں نے اپنے انسٹا اکاؤنٹ سے 6 ملین فالوورز کے ساتھ 417 انسٹا پوسٹس شیئر کی ہیں جبکہ ابھی تک گلوکار نے خود کسی بھی صارف کو فالو نہیں کیا ہے۔

خیال رہے کہ عاطف اسلم نے گزشتہ ماہ ریلیز ہونے والی اپنی نئی میوزک ویڈیو ’رفتہ رفتہ‘ کی ریلیز کا اعلان بھی اپنے سوشل میڈیا اکاؤنٹس کے ذریعے کیا تھا جو کہ مداحوں کی جانب سے بہت پسند کیا گیا ہے۔

انٹرٹینمنٹ سے مزید