فرمان الہی
نماز کے اوقات
وزیرِ اعظم عمران خان کا کہنا ہے کہ منی لانڈرنگ روکنے کی پوری کوشش کر رہے ہیں کہ غیر قانونی طور پر ڈالر ملک سے باہر نہ جائیں، غریب ممالک کا مسئلہ ہے کہ ان کے کرپٹ حکمران پیسہ باہر بھیجتے ہیں۔
وزیرِ اعظم عمران خان نے کراچی میں شپ لفٹ اینڈ ٹرانسفر سسٹم کا افتتاح کر دیا۔
وزیرِ اعظم عمران خان کراچی شپ یارڈ میں منعقدہ شپ لفٹ اینڈ ٹرانسفر سسٹم کی افتتاحی تقریب کے مہمانِ خصوصی تھے۔
تقریب میں گورنر سندھ عمران اسماعیل، وفاقی وزراء اسد عمر، علی حیدر زیدی، زبیدہ جلال اور دیگر نے شرکت کی۔
تقریب سے خطاب کرتے ہوئے وزیرِ اعظم عمران خان نے کہا کہ سابق حکمرانوں نے زیادہ آسان راستہ چنا اور اپنی قوت نہیں پہچانی، جب بھی کوئی بے ساکھیوں پر چلتا ہے تو اس کی طاقت ختم ہو جاتی ہے۔
عمران خان نے کہا کہ بجائے اپنی صلاحیت پر اعتماد کرنے کے سابق حکمران امداد کے راستے پر چلے گئے تھے، انہوں نے اپنی قوت نہیں پہچانی، بیساکھیوں پر چلنے والے کی قوت کم ہو جاتی ہے۔
انہوں نے کہا کہ جب قومیں اپنی طاقت پہچانتی ہیں اور کچھ کرنے کا فیصلہ کرتی ہیں تو پھر اللّٰہ تعالیٰ ان قوموں کو مضبوط کرتے ہیں، جو بھی نبیٔ کریم ﷺ کے کردار پر چلے گا عظیم بن جائے گا۔
وزیرِ اعظم نے کہا کہ مجھے خوشی ہوتی ہے کہ ہم دوبارہ پیروں پر کھڑے ہو رہے ہیں، یہ سب ہماری کارکردگی ہے، اپنے ملک کا پیسہ بچانا ہے، منی لانڈرنگ کو فوراً روکنا ہے تاکہ پیسہ باہر نہ جائے۔
انہوں نے کہا کہ جو چیزیں ہم امپورٹ کرتے ہیں انہیں ملک میں بنانا ہے، ایڈمرل امجد نیازی نے اچھا قدم اٹھایا ہے، انہیں خراجِ تحسین پیش کرتا ہوں۔
وزیرِ اعظم عمران خان نے کہا کہ ماضی میں برآمدات کی بجائے درآمدات کو ترجیح دی گئی، خوشی ہے کہ ہم ٹیکنالوجی کے شعبے میں آگے بڑھ رہے ہیں۔
انہوں نے کہا کہ بیساکھی پر چلتے ہیں تو کمزوری آ جاتی ہے، جو ریاست مدینہ کے اصولوں پر چلے گی وہ عظیم بن جائے گی، اللّٰہ تعالیٰ کا کرم ہے کہ پاکستان صحیح راستے پر لگ گیا ہے۔
عمران خان کا کہنا ہے کہ ہمارا ریکارڈ خسارہ کم سے کم ہوگیا ہے، ایکسپورٹ بڑھانے کے لیے ہر ممکن اقدام کریں گے، مجھے خوشی ہوتی ہے کہ ہم دوبارہ پیروں پر کھڑے ہو رہے ہیں۔
انہوں نے مزید کہا کہ یہ سب ہماری کارکردگی ہے، اپنے ملک کا پیسہ بچانا ہے، منی لانڈرنگ کو فوراً روکنا ہے تاکہ پیسہ باہر نہ جائے۔
وزیرِ اعظم نے یہ بھی کہا کہ جو چیزیں ہم امپورٹ کرتے ہیں انہیں ملک میں بنانا ہے، ایڈمرل امجد نیازی نے اچھا قدم اٹھایا ہے، انہیں خراجِ تحسین پیش کرتا ہوں، ماضی میں برآمدات کی بجائے درآمدات کو ترجیح دی گئی۔
واضح رہے کہ وزیرِ اعظم عمران خان ایک روزہ دورے پر آج کراچی پہنچے ہیں، اسلام آباد سے پہنچنے والے خصوصی طیارے میں وفاقی وزراء زبیدہ جلال اور اسد عمر بھی وزیرِ اعظم عمران کے ہمراہ تھے۔
