مینار پاکستان ہراسگی: ملزمان کی شناخت کیلئے ویڈیوز نادرا بھیجنے کا فیصلہ

مینار پاکستان پر لڑکی سے بدتمیزی اور ہراساں کیے جانے کے واقعے کو 4 روز گزر گئے۔

گزشتہ روز پولیس نے خاتون کی مدعیت میں 400 افراد کے خلاف مقدمہ درج کیا تاہم اب تک کسی کو گرفتار نہ کرسکی۔

ڈی آئی جی شارق جمال نے کہا ہے کہ لڑکی کو ہراساں کرنے کی کافی ویڈیوز موصول ہوچکی ہیں۔

مینار پاکستان پر کیا ہوا؟ لڑکی عائشہ کی جیو نیوز سے گفتگو

لاہور میں گریٹراقبال پارک میں ہجوم کی بدسلوکی کا نشانہ بننےوالی لڑکی عائشہ بیگ نے کہا ہے کہ میں اپنے بچنے کی امید چھوڑ چکی تھی۔

انہوں نے مزید کہا کہ ملزمان کی شناخت کے لیے ویڈیوز کا جائزہ لے رہے ہیں۔

شارق جمال نے یہ بھی کہا کہ ملزمان کی شناخت کے لیے ویڈیوز نادرا کو بھجوائیں گے۔

مینار پاکستان واقعہ، موٹروے کیس کی طرح تیز کارروائی ہوگی، راجا بشارت

وزیر قانون پنجاب راجا بشارت نے کہا ہے کہ مینار پاکستان واقعے پر گرفتاریاں عمل میں لائی جائیں گی۔

یاد رہے کہ خاتون کے ساتھ 14 اگست کی شام مینار پاکستان لاہور پر کئی سو افراد نے بدتمیزی کی اور ہراساں کیا تھا۔

ہجوم نے خاتون سے 15 ہزار روپے اور موبائل فون چھینا جبکہ ان کی انگوٹھی اور کانوں سے ٹاپس بھی اتار دیے۔

خاتون نے مقدمے میں الزام لگایا کہ ہجوم نے انہیں گھیر لیا، میرے کپڑے پھاڑ ڈالے اور مجھے ہوا میں اچھالتے رہے۔