فرمان الہی
نماز کے اوقات
ماضی میں بالی ووڈ کو بے شمار سُپر ہٹ فلمیں دینے والی نامور بھارتی اداکارہ پریتی زنٹا نے گلوبل وارمنگ کے خطرے کے پیشِ نظر اپنے گارڈن میں شجرکاری شروع کردی۔
سماجی رابطے کی ویب سائٹ ٹوئٹر پر پریتی زنٹا نے اپنی کچھ تصویریں شیئر کی ہیں جن میں اُنہیں اپنے گھر کے باغیچے میں پودا لگاتے ہوئے دیکھا جاسکتا ہے۔
ٹوئٹر پر تصویریں شیئر کرتے ہوئے پریتی زنٹا نے لکھا کہ ’گھر کو ایک بہتر جگہ بنانے میں حصہ ڈالنے سے زیادہ کوئی اور دلچسپ بات نہیں ہے۔‘
پریتی زنٹا نے لکھا کہ ’یہاں میں ہمالیائی دیودار کا درخت لگا رہی ہوں کیونکہ موسمیاتی تبدیلی اور گلوبل وارمنگ ہم سب کو متاثر کر رہی ہے۔‘
بالی ووڈ اداکارہ نے مزید لکھا کہ ’یہ صرف ہمارا فرض نہیں بلکہ ہماری اخلاقی ذمہ داری بھی ہے کہ ہم اپنے ماحول کو محفوظ بنائیں تاکہ ہماری آنے والی نسلوں کو وہی قدرتی خوبصورتی اور صاف ہوا ملے جس کے ساتھ ہم بڑے ہوئے ہیں۔‘
واضح رہے کہ 31 جنوری 1975 کو بھارتی ریاست ہماچل پردیش کے دارالحکومت شملہ میں پیدا ہونے والی پریتی زنٹانے بالی ووڈ میں اپنے فلمی کیرئیر کا آغاز 1998 میں فلم ’دل سے‘ میں معاون اداکارہ کی حیثیت سے کیا اور ہیروئن کی حیثیت سے ان کی پہلی فلم ’سولجر‘ باکس آفس پر بے حد کامیاب رہی۔
