فرمان الہی
نماز کے اوقات
یوم آزادی پر مینارِ پاکستان پر خاتون کو ہوس کا نشانہ بنانے والوں میں سے 40 افراد کو متاثرہ خاتون کل جیل میں شناخت کریں گی۔ واقعے کو ایک ہفتہ گزر گیا ہے، تاہم ابھی تک 400 میں سے صرف 66 افراد کو ہی گرفتار کیا جاسکا ہے۔
ڈی آئی جی انویسٹی گیشن شارق جمال کا کہنا ہے کہ ٹک ٹاکر اسٹار عائشہ اکرم کیس کے دیگر ملزموں کو جلد گرفتار کر لیا جائے گا۔ آج مزید 60 افراد کی تصاویر نادرا کو بھیجی گئی ہیں۔ شناخت ہونے پر گرفتاری عمل میں لائی جائے گی۔
اسی دوران پولیس نے عائشہ کے ساتھی ریمبو کا بھی میڈیکل کروا لیا ہے۔ عائشہ اور ریمبو کے سامنے کل زیرِ حراست ملزموں کی شناخت پریڈ کروائی جائے گی۔ اسی دوران عائشہ اکرم کے گھر کے باہر پولیس لگا دی گئی۔
پولیس نے کہا ہے کہ عائشہ کی اجازت کے بغیر کسی کو بھی عائشہ سے ملاقات کی اجازت نہیں دی جائے گی۔
عائشہ کا کہنا ہے کہ اس کے والد اور والدہ شدید ذہنی اذیت کی وجہ سے بیمار پڑ گئے ہیں۔ عائشہ سے پولیس سمیت مختلف اداروں کی پوچھ گچھ بھی جاری ہے۔
وزیراعلیٰ پنجاب عثمان بزدار نے اس واقعے کے تناظر میں انتظامیہ اور پولیس کو الٹی میٹم دے دیا ہے۔
انہوں نے کہا کہ یا تو کام کریں ورنہ اپنا بندوبست کرلیں۔
ترجمان حکومتِ پنجاب فیاض الحسن چوہان نے کہا کہ گریٹراقبال پارک کے واقعے میں دفعہ 354 لگائی گئی ہے جس کی سزا موت ہے۔
فیاض الحسن چوہان نے کہا کہ واقعہ میں ملوث 350 افراد کو ٹریس کرلیا گیا ہے۔ جب کہ 100 کے قریب افراد کو گرفتارکر لیا گیا۔
