• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دھماکے میں طالبان کے متعدد گارڈز بھی زخمی ہوئے، طالبان عہدیدار

تازہ ترین
بین الاقوامی خبریں
26 اگست ، 2021


طالبان عہدیدار کا کہنا ہے کہ کابل ایئرپورٹ پر ہونے والے  دھماکے میں طالبان کے متعدد گارڈز بھی زخمی ہوئے ہیں۔

طالبان عہدیدار نے کہا کہ کابل خودکش دھماکے میں بچوں سمیت 13 افراد جاں بحق ہوئے ہیں۔

کابل ایئرپورٹ کے قریب دھماکے کے نتیجے میں بچوں سمیت 13 افراد جاں بحق جبکہ تین امریکی فوجیوں سمیت متعدد زخمی ہوگئے ہیں۔

غیر ملکی خبر رساں ایجنسی کی رپورٹ کے مطابق کابل ایئرپورٹ کے باہر دھماکے کی پنٹاگون پریس سیکریٹری نے بھی تصدیق کردی۔

کابل ایئرپورٹ کے گیٹ کے قریب کم از کم دو دھماکے ہوئے، برطانوی میڈیا

میڈیا رپورٹ کے مطابق ایک دھماکا بیرون ہوٹل کے قریب ہوا، بیرون ہوٹل مغربی ممالک اپنے شہریوں کے انخلا کے لیےاستعمال کر رہےہیں۔

ترجمان پنٹاگون کا کہنا تھا کہ کابل ایئرپورٹ پر دھماکے میں جانی نقصان کے متعلق ابھی واضح نہیں ہیں۔

دوسری جانب عرب میڈیا کی جانب سے بتایا جارہا ہے کہ اس دھماکے میں بچوں سمیت 13 افراد جاں بحق جبکہ 3 امریکی فوجیوں سمیت متعدد افراد زخمی ہوگئے ہیں۔

کابل سے اڑنے والے اطالوی فوجی طیارے کی جانب فائرنگ کی گئی،اطالوی دفاعی ذرائع

طیارے میں سوار اطالوی صحافی کا کہنا ہے کہ طیارے کے ٹیک آف کے کچھ دیر بعد فائرنگ کا واقعہ پیش آیا۔

میڈیا رپورٹس کے مطابق ایئرپورٹ کی حدود میں فائرنگ کی آوازیں بھی سنی گئیں، جبکہ دھماکے کے بعد طالبان نے ایئرپورٹ کے اطراف کی سیکیورٹی سخت کردی۔

افغان میڈیا کا کہنا ہے کہ دھماکے کا ہدف کابل ایئرپورٹ کے باہر جمع لوگ تھے۔

تازہ ترین