فرمان الہی
نماز کے اوقات
کراچی کے اکثر علاقوں میں موسلا دھار بارش کے باعث مختلف مقامات پر پانی جمع ہوگیا، جس کے باعث ٹریفک کی روانی متاثر ہوگئی۔
ٹریفک پولیس کا کہنا ہے کہ ایئرپورٹ مادام پل کے نیچے آنے اور جانے والی شاہراہ پر بارش کا پانی جمع ہوگیا۔
بارش کا پانی جمع ہونے سے کالا بورڈ، تبت سینٹر چوک، نیپا اور حسن اسکوئر پر ٹریفک کی روانی متاثر ہے۔
ٹریفک پولیس کا کہنا ہے کہ ایف ٹی سی کی جانب نرسری پر بھی ٹریفک کی روانی سست روی کا شکار ہے، شفیق موڑ سے سہراب گوٹھ جانے والی شاہراہ پر بھی بارش کا پانی جمع ہے۔
جناح برج سے آئی سی آئی جانے والی شاہراہ پر بھی بارش کا پانی جمع ہے اور ٹریفک جام ہے۔
ٹریفک پولیس کا کہنا ہے کہ تمام مقامات پر ٹریفک کی روانی کو بحال رکھنے کے لیے ٹریفک اہلکار موجود ہیں۔
